އިނގިރޭސިވިލާތުގެ ކުރީގެ ބޮޑު ވަޒީރު ޓޯނީ ބްލެއަރ އާ ބެހޭ ގޮތުން މީހުން ދެކެނީ އޭނާއަކީ ބަސްމަގު ރީތި ހީލަތްތެރި މަކަރުވެރި މީހެއްގެ ގޮތުގައެވެ. ރާނީ އެލިޒަބަތު ވަނީ އޭނާއަށް ނައިޓުހުޑްގެ ލަގަބު ދެއްވައި "ސަރ" އަކަށް ހައްދަވާވައެވެ.
އިރާގު ސުންނާފަތިކޮށްލުމަށް ދޮގުވާހަކަ ދައްކައިގެން ހަނގުރާމައެއް ފެށުމަށް މީހުންގެ ބޯކާލި ބްލެއަރގެ ނައިޓްހުޑްގެ ލަގަބު އަނބުރައި އަތުލުމަށް ދުނިޔޭގެ ކަންކޮޅުގައި ހިންގާ ކެމްޕޭންގައި މިހާރު އެއް މިލިއަނަށް ވުރެން ގިނަ މީހުން ވަނީ ބައިވެރިވެފައެވެ.
ޑެއިލީ މެއިންއިން މިއަދު ރިޕޯޓް ކޮށްފައިވާ ގޮތުގައި ބްލެއަރ އަކީ ނަޒާހަތްތެރި މީހެއްވެސް ނޫނެވެ.
ބްލެއަރ ވަނީ ކަޒަޚިސްތާންގެ ކުރީގެ ރައީސް ނޫރު ސުލްތާން ނަޒަބްބަޔޭވް އަތުން އަހަރަކު 5.3 މިލިއަން ސްޓާލިންގ ޕައުންޑް ހޯދަމުން ގޮސްފައެވެ.
ބްލެއަރގެ ވެރިކަމުގައި އޭނާ ވަނީ އޭނާގެ އަންހެނުން ޝެރީގެ ލޯ ފަރމްގައި މަސައްކަތް ކުރި މުވައްޒަފުންގެ މުސާރައަށް 50 މިލިއަން ޕައުންޑް ސަރުކާރު ފައިސާއިން ނަގާފައެވެ.
އިރާގް ހަނގުރާމައިން ފައިދާ ނެގުމަށް ބްލެއަރ ވަނީ އެމެރިކާގެ ރައީސް ބުޝްއަށް އިރާގާއި ސައްދާމްގެ ނުރަނގަޅު ވާހަކަ ދުނިޔެއަށް ފަތުރައި ދޭނެކަމަށް ވައުދުވެސް ވެފައެވެ.
