ސޫޒަން އަޙުމަދު މިއީ އެމެރިކާގައި ދިރިއުޅޭ މިސްރު ދަރިކޮޅުގެ ކުއްޖެކެވެ. އޭނާއަކީ އުމުރުން 12 އަހަރުގައި މި ޑިސެމްބަރުގައި ފުރަތަމަ ޑިގްރީ ހާސިލުކުރި ޖީނިއަސް އެކެވެ.
ފްލޮރިޑާ ޔުނިވަރސިޓީން އެހާ ޅައުމުރުގައި އަދި މިހާތަނަށް އެއްވެސް ކުއްޖަކު ފުރަތަމަ ޑިގްރީ ހާސިލުކޮށްފައެއް ނުވެއެވެ.
ސޫޒަން އޭނާގެ ސާނަވީ މަރުޙަލާ ނިންމީ އުމުރުން ނުވަ އަހަރުގައެވެ.
ބައެލޮޖީން ފުރަތަމަ ޑިގްރީ ހާސިލުކުރުމަށްފަހު ފެށޭ ދިރާސީ އަހަރުގައި އެނާގެ މަގްސަދަކީ ކޮމްޕިއުޓަރ ޕްރޮގްރާމިންގ ގެ ރޮނގުން އިތުރަށް ޔުނިވަރސިޓީ އޮފް ފްލޮރިޑާގައި ކިޔަވާށެވެ. އަދި ބައެލޮޖީއާއި ކެމިސްޓްރީއާއި އައިޓީގެ ރޮނގުން އިތުރަށް އޭނާ ކިޔަވަން ބޭނުންވާ ކަމަށް އޭބީސީ ނިއުސްއަށް ކިޔައި ދިނެވެ.
