ދޮން މުރާކިއަކީ ކެންސަރަށް ފައިދާ ހުރި މޭވާއެއްކަމަށް ކޮލަމްބިއާ ޔުނިވަރަސިޓީއަކުން ކޮށްފައިވާ ދިރާސާއަކާއި ޓައިވާންގެ ޗީމީ މެޑިކަލް ސެންތަރ އިން ކޮށްފައިވާ ދިރާސާއެއްގައި ބުނެއެވެ.
މުރާކިއަކީ ލެޓިން އެމެރިކާގެ އިންކާ ޙަޟާރާގައިވެސް މުހިންމު ކޮށް ބޭނުން ކޮށްފައިވާ މޭވާއެކެވެ. އިނގިރޭސި ބަހުން މުރާކިއަށް ގްރައުންޑް ޗެރީޒް، އިންކާ ބެރީޒް ކޭޕް ގޫޒްބެރީ ހަސްކް ޗެރީގެ ނަމުން ނަން ދީފައި ވެއެވެ. އަރަބިންގެ ތެރޭގައި މި މޭވާ މަޝްހޫރުވެފައި ވަނީ ޙަރަންކަޝްގެ ނަމުންނެވެ.
ރޯ މުރާކިއަކީ ސިއްޙަތަށް ގެއްލުން ހުރި އެއްޗެކެވެ. އެއިން ބޭރަށް ހިނގުން މެދުވެރިކޮށް ދެއެވެ. ނަމަވެސް ދޮން މުރާކިއަކީ ކެންސަރު ސެލްތަކާ ހަނގުރާމަ ކުރުމަށް ފަހިކޮށްދޭ މާއްދާތައް ހިމެނޭ މޭވާއެކެވެ. އުރަމަތީގެ ކެންސަރާއި ގޮހޮރުގެ ކެންސަރާއި ފުއްޕާ މޭގެ ކެންސަރާ ދެކޮޅަށް މި މޭވާގައި ހިމެނޭ، އެންޓިއޮކްސިޑެންޓް މާއްދާތައް އެހީވެދެއެވެ.
ހަވާއީގައި މުރާކިން ހަދާ ޖޭމްއަށް ޕޯހާ ޖޭމްގެ ނަމުން ނަންދީފައި ވެއެވެ.
އިގްތިސާދީ ގޮތުން މި މޭވާ އިންދައި މަތިވަރުކަނޑައި ވިއްކަނީ އިންޑިއާއާއި މިސްރާއި ކޮލޮމްބިއާއިން އެކަންޏެވެ.
ޗައިނާގެ ބޭސް ވެރިކަމުގައި ހުމަށާއި ކަރިގެ ފޮޅު ނެގުމަށް ބޭސްހެދުމަށްވެސް މުރާކި ބޭނުން ކުރެއެވެ.
