ދިވެހިރާއްޖޭގެ އިސްލާމީ ޔުނިވަރސިޓީ (އައިޔޫއެމް) އިން 2021 ވަނަ އަހަރުގެ ފުރަތަމަ ސެމިސްޓަރގައި ފެށުމަށް ހަމަޖެހިފައިވާ ކޯސްތައް އިއުލާންކޮށްފިއެވެ.
2021 ވަނަ އަހަރުގެ ފުރަތަމަ ސެމިސްޓަރގައި އައިޔޫއެމް އާއި އައިޔޫއެމްގެ ލާރނިންގ ސެންޓަރުތަކުގައި ފެށުމަށް ހަމަޖެހިފައިވާ ކޯސްތަކުގެ ތެރޭގައި މާސްޓަރސް، ޕޯސްޓްގްރެޖުއޭޓް ޑިޕްލޮމާ، ބެޗްލަރސް، އެސޯސިއޭޓް ޑިގްރީ، ޑިޕްލޮމާ، އެޑްވާންސްޑް ސެޓްފިކެޓް، ސެޓްފިކެޓް 3، ސެޓްފިކެޓް 2 އަދި ސެޓްފިކެޓް 1 ލެވަލްގެ ޖުމްލަ 49 ކޯހެއް އިއުލާންކޮށްފައިވެއެވެ.
https://www.ium.edu.mv/gazette/course-announcement-january-2021-intake/
މި ކޯސްތަކަށް ވަންނަން އެދޭ ފަރާތްތަކުން، ކޯހަށް ވަނުމަށް އެދޭފޯމު ފުރިހަމަ ކުރެއްވުމަށްފަހު، ފޯމާއެކު ހުށަހަޅަންޖެހޭ ތަކެތި 29 ޖެނުއަރީ 2021 ވަނަ ދުވަހުގެ 13:00 ގެ ކުރިން އޮންލައިންކޮށް ފޯމް ހުށަހަޅަން ޖެހެއެވެ.
. އޮންލައިންކޮށް ފޯމު ހުށަހަޅާނަމަ ވެބްސިޓްގައިވާ އޮންލައިން ޕޯޓަލް (admissions.ium.edu.mv) މެދުވެރިކޮށް ފޯމު ހުށަހެޅޭނެއެވެ. އަދި އީ-މެއިލް ކުރާނަމަ، [email protected] އަށް މެއިލްކުރެވޭނެއެވެ.
މި ކޯސްތަކާ ބެހޭ މައުލޫމާތާއި ކޯހުގައި ބައިވެރިވުމަށް އެދޭ ފޯމު ޔުނިވަރސިޓީގެ ރިސެޕްޝަނުންނާއި ޔުނިވަރސިޓީގެ ވެބްސައިޓް www.ium.edu.mv އިން ލިބެން ހުންނާނެއެވެ.
މީގެ އިތުރުން އައިޔޫއެމްއިން ބުނީ ފޯމު ދޫކުރުމާއި ބަލައިގަތުން ބަންދުނޫން ކޮންމެ ދުވަހަކު ޔުނިވަރސިޓީގެ ރިސެޕްޝަނުން ކުރިއަށްދާނެ ކަމަށެވެ.
