ހުޅުމާލޭ ބިލިއާޑް ހައުސް ރައީސުލްޖުމްހުރިއްޔާގެ ނައިބް ފައިސަލް ނަސީމް ހުޅުއްވައިދެއްވައިފިއެވެ.
ހުޅުމާލޭ ސްޕޯޓްސް ކޮމްޕްލެކްސްގައި ކުރިއަށްދިޔަ މި ރަސްމިސްޔާތުގައި ޔޫތް މިނިސްޓަރ އަހުމަދު މަހުލޫފް އާއި އިންޑިއާ އިން ރާއްޖެއަށް ކަނޑައަޅާފައިވާ ސަފީރު ސަންޖޭ ސުދީރާއި، ހުޅުމާލޭ ދާއިރާގެ މަޖްލިސް މެންބަރު އަލީ ނިޔާޒް ބައިވެރިވެ ވަޑައިގެންނެވިއެވެ.
މިރަސްމިއްޔާތުގައި ވާހަކަފުޅުދައްކަވަމުން ނައިބް ރައީސް ފައިސަލް ނަސީމް ވިދާޅުވީ މިއަދުގެ ސަރުކާރުން ކުޅިވަރަށް ވަރަށް ބޮޑު އަހަމިއްޔަތުކަމެއް ދެއްވާކަމަށާ ފާއިތުވެގެން ދިޔަ ދެ އަހަރުގައި ކުޅިވަރު ކުޅުންތެރިންވަނީ ގައުމަށް ރީތިނަން ހޯދައިދިނުމަށް ވަރަށް ގިނަ މަސައްކައްކަތްތަކެއް ކޮށްފައިކަމަށެވެ.
ނައިބް ރައީސް ވިދާޅުވީ ރަނގަޅު ޒުވާން ޖީލެއް ބިނާކުރުމަށް މަސައްކަތް ކުރުމަކީ, މި ސަރުކާރުގެ ފުރަތަމަ ދެ އަހަރުގެ ތެރޭގައި އެންމެ އިސްކަމެއް ދީގެން ކުރަމުންދިޔަ އެއް މަސައްކަތްކަމަށާއި ކުޅިވަރުގެ ދާއިރާ ހިންގުމުގައި ޒުވާނުންގެ ދައުރު އިތުރުކުރަން ވިސްނަންޖެހިފައިވާ ކަމަށެވެ.
ހުޅުމާލޭގައި ގާއިމްކޮށްފައިވާ ހުޅުމާލޭ ބިލިއާޑް ހައުސްގައި 6 ބިލިއާޑް ބޯޓްވަނީ ބައްހަޓާފައެވެ
މިރަސްމިއްޔާތުގައި ނައިބު ރައީސް ވަނީ ރާއްޖޭގެ އެއްވަނަ އަންހެން ބިލިއާޑު ކުޅުންތެރިޔާ ކަމުގައިވާ އާމިނަތު ފާތީއާއެކު ބިލިއާޑު މެޗެއް ކުޅުއްވާފައެވެ.
