އެމެރިކާއާއި ޗައިނާއާއެކު އިޒްރޭލުން ބާއްވާ ގުޅުން ބެލެންސް ކުރުމަށް އިޒްރޭލަށ ވަނީ މަޖުބޫރުވެފައެވެ. އެމެރިކާއިންވެސް ދަނީ ޗައިނާއާއެކު އޮންނަ ގުޅުން ބެލެންސް ކުރުމަށް އިޒްރޭލަށް ފިއްތަމުންނެވެ.
އެމެރިކާގެ ސަލާމަތީ ބާރުތަކުގެ އިސް ފަރާތްތަކުން ވަނީ މީގެ ކުރިންވެސް އިޒްރޭލާއި ޗައިނާގެ ގުޅުމާ މެދު ގުޅުމާ މެދު ކަންބޮޑުވުން ފާޅުކޮށްފައެވެ. އިޒޒްރޭލުން މިހާރު އެމެރިކާއަށް ޔަގީންކަން ދީފައި ވަނީ ޗައިނާއާއެކު ކުރާ މުއާމަލާތް އެމެރިކާއަށް އަންގަމުން ގެންދާނެ ކަމަށެވެ.
އެމެރިކާގެ އިންވެސްޓްމެންޓްތައް މިފަހަކަށް އއިސް އިޒްރޭލުގައި އިތުރު ވެފައި ވެއެވެ. އެހެންވެ، އިސްރާއީލުން އަދިވެސް އެމެރިކާއަށް އިސްކަންދޭކަމަށް ތަޖުރިބާކާރުން ބުނެއެވެ. އެއާއެކު އިޒްރޭލުން ވަނީ ޗައިނާއިން އިޒްރޭލްގައި ކުރާ އިންވެސްޓްމަންޓްތައް ވަޒަންކުރުމަށް ޚާއްސަ އުސޫލުތަކެއް އެކުލަވާލާފައެވެ.
މިކަމަށް ޓަކައި އުފައްދާފައިވަނީ ޚާއްސަ މޮނީޓަރިންގ ބޮޑީއެކެވެ. އިޒްރޭލުގެ ފޮރިން އިންވެސްޓްމަންޓް އޯވަރ ސައިޓް ކޮމިޓީ އުފެއްދީ 2019 ވަނަ އަހަރުގެ އޮކްޓޯބަރު މަހު އެމެރިކާއިން ބާރު އަޅައިގެންނެވެ. މިހާރު އިޒްރޭލުން މަސައްކަތް ކުރަމުން ދަނީ އެމެރިކާ ރުއްސުމަށްޓަކައި މި ކޮމިޓީ ގައުމީ ސަލާމަތާ ބެހޭ އިދާރާގެ ދަށަށް ގެންނާށެވެ.
އެމެރިކާގެ ޓްރަމްޕްވެސް ވަނީ ޗައިނާއާ ދުރު ނުވެއްޖެނަމަ، އެމެރިކާއިން އިޒްރޭލަށް ދޭ ސަލާމަތީ އއެހީތެރިކަން ކަނޑާލާނެ ކަމުގެ އިންޒާރުވެސް ދީފައެވެ. އެމެރިކާގެ އައު ރައީސާއެކު އަނެއްކާވެސް ބޮޑު ވަޒިރު ނެފްތާލީ ބެނެޓަށް ވަނީ ޗައިނާ ކޮންޓްރޯލު ކުރުމުގެ ސިޔާސަތުގެ ދަށުން ބާރު ބޮޑުވާން ފަށާފައެވެ.
