އިސްލާމް ދީނާ މެދު ނަފްރަތު އުފައްދައި، މުސްލިމުންގެ އަގު ވައްޓާލުމުގެ އަމަލުތަކުގެ ނުރައްކަލުން ސަލާމަތް ވުމަށް ކެނެޑާގެ ބޮޑު ވަޒީރު ޖަސްޓިން ޓްރޫޑޯ ވަނީ ހަރުދަނާ ފިޔަވަޅެއް އަޅުއްވާފައެވެ.
ޓްރޫޑޯ ވަނީ ޓްވިޓަރ މެދުވެރިކޮށް ފޮނުއްވި މެސެޖެއްގައި އިސްލާމޮފޯބިއާ އަށް ގޮންޖައްސަވައި، އެކަން ހުއްޓުވުމަށް ހާއްސަ މަންދޫބަކު އައްޔަން ކުރެއްވިކަން އިޢްލާން ކުރައްވާފައެވެ.
"އިސްލާމޮފޯބިއާ އަކީ ބަލައިގަނެވޭނެ ކަމެއް ނޫން. ފުލް ސްޓޮޕް. މި ނަފްރަތު ނިމުމަކަށް ގެނެސް، މުސްލިމް ކެނެޑާ މީހުންނަށް އަހަރެމެންގެ މުޖުތަމައުތަކަކީ ރައްކާތެރި މުޖުތަމައުތަކަކަށް ހަދައި ދޭން ޖެހޭ،" ޓްރޫޑޯގެ ޓުވީޓުގައި ލިޔުއްވާފައިވެ އެވެ.
