އިޒްރޭލާ ހެދި އެފްރިކަން ޔޫނިއަން ޖަމުއިއްޔާގައި މައްސަލަ ބޮޑު ވެއްޖެއެވެ. އެފްރިކަން ޔޫނިއަންގެ ރައީސް މޫސާ ފާކީ ވަނީ މެމްބަރުންނާ މަޝްވަރާ ކުރުމަކާ ނުލައި އިޒްރޭލަށް އޮބްޒާވަރެއްގެ މަގާމު ދީފައެވެ.
އިޒްރޭލުން ވަނީ 2013އާއި 2015 އަދި 2016 ވަނަ އަހަރު ވެސް އޮބްޒާވަރެއްގެ ގޮތުގައި މެމްބަރުކަމަށް އެދި ހުށަހެޅާފައެވެ.
އެޖަމިއްޔާގެ ރައީސް މޫސަ ފާކީ ގެ 22 ޖުލައި 2021 ގެ ނިންމުމެވުމަށް ގައުމުތަކުން ވެރިން ފެބްރުއަރީގެ ސަމިޓްގައި މަޝްވަރާ ކުރުމަށް ދަނީ ތައްޔާރު ވަމުންނެވެ.
އެފްރިކާގެ ގިނަ ގައުމުތަކުން އިޒްރޭލަށް އޮބްޒާވަރެއްގެ ދަރަޖަ ދިނުމަށް ދެކޮޅު ހަދާފައެވެ. ދެކޮޅު ހަދާ ގައުމުތަކުގެ ލިސްޓުގައި ހިމެނެނީ ދެކުނު އެފްރިކާ، ޓިއުނީޝިއާ، އެރިޓްރިއާ، ސެނެގާލް، ޓެންޒޭނިއާ، ނައިޖަރ، ކޮމޮރޯސް، ގެބޯން، ނައިޖީރިއާ، ޒިމްބާބްވޭ، ލައިބީރިއާ، މާލީ އަދި ސީޝެލްސްއެވެ.
