ފިލިޕީންސްއިން ވަނީ އިންޑިއާއިން އުފައްދާފައިވާ އަޑަށް ވުރެން ބާރަށް ދަތުރުކުރާ ބްރަހަމޯސް ކްރޫޒް މިސައިލްތައް ގަތުމަށް އިންޑިއާއާއެކު ސޮއިކޮށްފައެވެ. ފިލިޕީންސްއިން ގަންނަ މިސައިލަކީ، ކުރު ރާސްތާއަށް ދަތުރުކުރާ ކަނޑު އުޅަނދުފަހަރާ ދެކޮޅަށް ބޭނުންކުރާ ބާވަތުގެ މިސައިލެކެވެ. މި ކޮންޓްރެކްޓްގެ އަގު 374.96 މިލިއަން ޑޮލަރަށް އަރައެވެ.
މި އެއްބަސްވުމުގައި ހިމެނެނީ، ފިލިޕީންސަށް މިސައިލް ބެޓެރީގެ ތިން ބެޓެރީ ޑެލިވަރީ ކުރުމާއި މި ތަކެތި އޮޕަރޭޓް ކުރާ އންޑިއާ ސިފައިންނާއި އަދި މެއިންޓެނަންސްގެ މަސައްކަތުގައި އުޅޭނެ ސިފައިންނާއި ތަމްރީން ދޭނެ ފަރާތްތައް ފިލިޕީންސްގައި ބޭތިއްބުމަށެވެ.
ބްރަހަމޯސް މިސައިލަކީ އިންޑިއާއާއި ރަޝިއާ ގުޅިގެން އިންޑިއާގައި އުފައްދާ މިސައިލެކެވެ. މިއީ ބޭރު ގައުމަކަށް މި މިސައިލް އެކްސްޕޯޓް ކުރާ ފުރަތަމަ ފަހަރެވެ.
ފިލިޕީންސްގެ އިތުރުން އިންޑޮނޭޝިއާ އާއި ތައިލެންޑުންވެސް ދަނީ މި މިސައިލް ގަތުމަށް އިންޑިއާއާ ވާހަކަ ދައްކަމުންނެވެ.
