ހއ. ހޯރަފުށީ އެއާޕޯޓަށް މިމަހުގެ 16 ވާ ހޯމަ ދުވަހު ފުރަތަމަ ޓެސްޓް ފްލައިޓް ޖައްސަން ނިންމައިފިއެވެ.
ހޯރަފުށީ އެއާޕޯޓް ތަރައްގީކޮށް މިމަހުގެ 17 ވަނަ ދުވަހު ހުޅުވާ ހޯމަ ދުވަހު އެ އެއާޕޯޓަށް ފުރަތަމަ ޓެސްޓް ފްލައިޓް ޖައްސަން ހަމަޖެހިފައިވާ ކަމަށް ޓްރާންސްޕޯޓް މިނިސްޓްރީން ވަނީ ބުނެފައެވެ. އަދި ހޯމަ ދުވަހު ފްލައިޓް ޖެއްސުމަށްފަހު އިތުރު މައްސަލައެއް ދިމާނުވާނަމަ އަންގާރަ ދުވަހު ޝެޑިއުލް ދަތުރުތައް ފަށާނެ ކަމަށް ތްރާންސްޕޯޓް މިނިސްޓްރީން ބުނެއެވެ.
ހޯރަފުށީ އެއާޕޯޓްގެ މަސައްކަތް ނިންމައި، މިމަހުގެ 11 ވަނަ ދުވަހު ހުޅުވަން ކުރިން ވަނީ ހަމަޖައްސާފައެވެ. ނަމަވެސް މިހާރު ހަމަޖެހިފައިވަނީ މިމަހުގެ 17 ވަނަ ދުވަހު ހުޅުވުމަށެވެ.
ހޯރަފުށީ އެއާޕޯޓުގެ ރަންވޭ އާއި ޓެކްސީވޭ އަދި އޭޕްރަން ތަރައްގީކުރުމުގެ މަޝްރޫއުގެ އަގު 198 މިލިޔަން ރުފިޔާ އަށް އަރާ ކަމަށް އެ އެއަރޕޯޓް ތަރައްޤީކުރާ އެމްޓީސީސީއިން ބުނެއެވެ.
