އިންޑިއާގެ ބޭސްއުފައްދާ ޒައިޑަސް ގްރޫޕުން ވަނީ އެ ކުންފުނީގެ ކޮވިޑް ވެކްސިން ކަމަށްވާ ޒިކޯވް-ޑީ، އިންޑިއާ ސަރުކާރަށް ސަޕްލައި ކުރަން ފަށާފައެވެ. ކުރިއަށް އޮތް ދުވަސްތަކުގައި އަމިއްލަ ހޮސްޕިޓަލްތަކަށްވެސް މި ވެކްސިން ލިބޭނެ ގޮތް ހެދުމަށް ރާވަމުންދާ ކަމަށް އެކުންފުނިން ބުންޏެވެ.
ތިން ޑޯޒްގެ މައްޗަށް ހިމެނޭ ވެކްސިނެއް ކަމަށްވާ ޒިކޯވް-ޑީގެ އަގަކީ 265 ރުޕީސް އެވެ. މިއީ ދެ ހަން ދޭތެރެއަށް ޖަހާ ވެކްސިނެކެވެ. ވެކްސިން ޖަހާ އެޕްލިކޭޓަރުގެ އަގަކީ 93 ރުޕީސްއެވެ. އިންޑިއާއިން މި ވެކްސިން އެންމެ ފުރަތަމަ ތައާރަފު ކުރާނީ ބިހާރު، ޖަރުކަންދު، މަހާރާޝްތްރާ، ޕަންޖާބް، ޓެމިލްނާޑޫ، އުއްތަރް ޕްރަދޭޝް އަދި ވެސްޓް ބެންގާލްގައެވެ.
