ޔޫއޭއީ އާއި ކެރެލާއާ ދެމެދު ހިތާއި ހިތުގެ ގުޅުމެއް އޮތްކަމަށް ކެރެލާގެ ޗީފް މިނިސްޓަރު ޕިނަރާޔީ ވިޖަޔަން ވިދާޅުވެއެވެ. އެމިރޭޓްސް ނިއުސް އެޖެންސީއާ ވާހަކަ ދައްކަވަމުން އޭނާ ވިދާޅުވީ ކެރެލާއާއި ޔޫއޭއީގެ ގުޅުމަކީ ރަސްމީ ފެންވަރުގައި އޮންނަ ގުޅުމެއް ނޫނެވެ. އެ ގުޅުމަކީ ވަރަށް ގާތް ހިތުގެ ގުޅުމެއް ކަމަށް ސިފަ ކުރެއްވިއެވެ.
ޔޫ.އޭ.އީ.ގައި އޭނާއާ ބައްދަލުވި ހުރިހާ އިސް އޮފިޝަލުން އަރިހު ވިޖަޔަން ވިދާޅުވެފައި ވަނީ، ކެރެލާއާއި ކެރަލާމީހުންނަކީ، ޔޫއޭއީއަށް އެމީހުންގެ ހިތުގައި ވަރަށް ޚާއްޞަ ޖާގައެއް ދީފައިވާ ބައެއް ކަމަށެވެ.
ވިޖަޔަން ޔޫއޭއީއަށް ވަޑައިގެން އުޅުއްވަނީ ހަފްތާއެއްގެ ރަސްމީ ދަތުރުފުޅެއްގައެވެ.
ޔޫއޭއީގައި އެންމެ ބޮޑު ބިދޭސީ ކޮމިއުނިޓީއަކީ ތިން މިލިއަނަށްވުރެ ގިނަ އިންޑިއާ މީހުންނެވެ. އޭގެ ތެރެއިން މިލިއަނަކަށްވުރެ ގިނަ މީހުންނަކީ ކެރެލާ މީހުން ކަމަށް އިންޑިއާގެ މަސްއޫލުވެރިން ވިދާޅުވެއެވެ.
