ސްވިޑަންއިން ކޮވިޑް-19 ގެ ފިޔަވަޅުތައް އުވާލިކަން ބުރާސްފަތި ދުވަހު ވަނީ އިއުލާންކޮށްފައެވެ. މި ގޮތަށް ނިންމާފައިވަނީ ޕަބްލިކް ހެލްތު އޭޖެންސީގެ ލަފަޔާއެކު ކަމަށް ސްވިޑަންގެ ބޮޑުވަޒީރު މެގްޑަލޭނާ އެޑާސަން ބޭއްވި ނޫސްވެރިންގެ ބައްދަލުވުމެއްގައި ވިދާޅުވިއެވެ.
ކޮވިޑް-19ގެ ސަބަބުން އާންމު ސިއްހަތުގެ ޚިދުމަތްތަކަށް އެއްވެސް ގެއްލުމެއް ނުލިބޭ ކަމަށާއި، ހޮސްޕިޓަލުތަކުގެ އިންޓެންސިވް ކެއާ ޔުނިޓްތަކުގައި ހާލަތު އޮތީ ރަނގަޅަށް ކަމަށް އެކަމަނާ ވިދާޅުވިއެވެ.
ކޮވިޑް 19ގައި މަރުވި މީހުންގެ އަދަދު 16،028 އަށް އަރާފައިވާއިރު، މި ބަލި ޖެހިގެން މަރުވި މީހުންގެ އަދަދު 2.22 މިލިއަނަށް އަރާފައި ވެއެވެ.
ޑެންމާކަކީ އީޔޫގެ ގައުމުތަކުގެ ތެރޭން އާންމު ސިއްހީ އިމަރޖެންސީގެ ހާލަތު އުވާލި އެންމެ ފުރަތަމަ ގައުމެވެ. އެއީ އަންގާރަ ދުވަހު އެވެ.
އޭގެ ފަހުން ހަމަ އެދުވަހު ނޯވޭއިން ވަނީ ރޭނގަޑު 11ގެ ފަހުން ރާ ވިއްކޮށްފައި އޮތް އޮތުން ނިމުމަކަށް ގެނަސްފައެވެ. އަދި ދިހަ މީހުންނަށްވުރެ ގިނައިން އެއް ނުވާގޮތަށާއި އަމިއްލަ އެއްވުންތައް ބޭއްވުން މަނާކޮށްފައި އޮތް އޮތުންވެސް އުވާލާފައެވެ.
