އިންޑިއާގެ އެގްޒިމް ބޭންކުން ވަނީ ޕެޓްރޯލިއަމް ގެ ބާވަތްތައް ގަތުމަށް ފައިނޭންސް ކުރުމަށް ސްރީލަންކާ އަށް 500 މިލިއަން ޑޮލަރުގެ ލައިން އޮފް ކްރެޑިޓެއް ދީފައިވާ (އެލްއޯސީ) ކަމަށެވެ.
500 މިލިއަން ޑޮލަރުގެ އެލްއޯސީ އެއްބަސްވުމުގައި ސޮއިކުރުމާއެކު އެގްޒިމް ބޭންކުން މިހާތަނަށް އިންޑިއާއިން ލަންކާ ސަރުކާރަށް 10 ލައިން އޮފް ކްރެޑިޓް ދީފައިވާ ކަމަށް ދައްކައެވެ. އެލްއޯސީތަކުގެ ޖުމްލަ އަގު 2.18 ބިލިއަން ޑޮލަރަށް އިތުރު ވެފައިވާ ކަމަށް އެގްޒިމް ބެންކުން ޝާއިއުކޮށްފައިވާ ނޫސްބަޔާނުން އެނގެއެވެ.
ސްރީލަންކާއަށް ދީފައިވާ އެލްއޯސީތަކުގެ ދަށުން ހިންގާ މަޝްރޫޢުތަކުގެ ތެރޭގައި ޕެޓްރޯލިއަމްގެ ބާވަތްތައް ގައުމާއި، ރޭލްވޭ މަޝްރޫޢުތަކާއި، ދިފާޢީ އަދި ޢުމްރާނީ ތަރައްޤީގެ މަޝްރޫޢުތައް ހިންގުން ހިމެނެއެވެ.
އިންޑިއާގެ އެގްޒިމް ބޭންކުން މިހާތަނަށް 276 އެލްއޯސީއެއް އެކި ގައުމުތަކަށް ހަމަޖައްސާފައި ވެއެވެ. އޭގެ ތެރޭގައި އެފްރިކާ، އޭޝިއާ، ލެޓިން އެމެރިކާ އަދި ކޮމަންވެލްތު އޮފް އިންޑިޕެންޑެންޓް ސްޓޭޓްސް (ސީއައިއެސް) ގެ 61 ގައުމެއް ހިމެނެއެވެ.
