2015 ވަނަ އަހަރުގެ ނިއުކްލިއަރ އެއްބަސްވުމަށް އެނބުރި އައުމުގެ ގޮތުން އީރާނުން އެމެރިކާއާ އެކު މަޝްވަރާތައް ބާއްވަން އެއްބަސްވުމުން ރައީސް ޖޯ ބައިޑަންގެ ސަރުކާރުން ވަނީ އީރާނާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތަކުން އީރާނަށް ލުޔެއް ދޭން ނިންމާފައި ކަމަށް އެމެރިކާގެ ޚާރިޖީ ވުޒާރާގެ އިސް އޮފިޝަލަކު ވިދާޅުވިއެވެ.
އެމެރިކާއިން މި ލުއި ދިނުމުގެ ސަބަބުން ރަޝިޔާ، ޗައިނާ އަދި ޔޫރަޕްގެ ކުންފުނިތަކަށް އީރާނުގެ ނިއުކްލިޔަރ ސައިޓްތަކުގައި ނިއުކްލިޔަރ ހަތިޔާރު ފެތުރުމާ ގުޅުމެއް ނެތް މަސައްކަތް ފިޔަވައި އެހެން ކަންކަން ކުރުމުގެ ހުއްދަ ވަނީ ދީފައެވެ.
އެމެރިކާއާއި އީރާނުން ވަނީ މިދިޔަ އޭޕްރީލް މަހުން ފެށިގެން ވިއެނާގައި ނުސީދާކޮށް 8 ބުރުގެ މަޝްވަރާތައް ބާއްވާފައެވެ.
