އިންޑިއާގެ މުމްބާއިގައި ތިން ޕަސެންޓް މީހުންގެ ކައިވެނި ރޫޅެނީ ޓްރެފިކްގައި ޖެހުމުން ކަމަށް ބީޖޭޕީގެ ލީޑަރު އަދި ކުރީގެ ޗީފް މިނިސްޓަރު ޑްރެވެންޑްރަ ފަޑްނާވިސްގެ އަނބިކަނބަލުން އަމްރުތާ ފަޑްނާވިސް ވިދާޅުވެއެވެ.
އޭނާ ވިދާޅުވި އާންމުންގެ ހާލަތު އޭނާއަށް ވަޒަން ކުރެވިފައިވާ ކަމަށެވެ. ބޭރަށް ނިކުތުމުން މަގު މަތީގެ ވަޅުތަކާއި ޓްރެފިކް ތޮތްޖެހުމާއި މަގުތަކުގެ ހަލަބޮލިކަމާއި ބައިބޯކަން ފެންނަ ކަމަށެވެ.
އެހެންވެ މުމްބާއީގައި 3 ޕަސަންޓް ވަރި ދިމާވަނީ އޭގެ ސަބަބުން ކަމަށް އޭނާއަށް ޔަގީންވާ ކަމަށެވެ.
މުމްބައީގައި ބީޖޭޕިއަކީ އިދިކޮޅު ޕާޓީއެވެ.
