ލަތާ މަގޭޝްކަރަކީ، އިންޑިއާގެ ޕާލަމެންޓްގެ މަތިގޭގެ މެމްބަރުކަން ކުރައްވާފައިވާ ބޭކަނބަލެކެވެ. އެކަމަނާ ރާޖިޔަ ސަބާއަށް ހޮވި ވަޑައިގަތީ ބީޖޭޕީގެ ތާއީދާއެކުގައެވެ. 22 ނޮވެމްބަރ 1999 ގައި އިންތިޚާބުވެ، 21 ނޮވެމްބަރ 2005 ގެ ނިޔަލަށް މަތި ގޭގައި މެމްބަރަކަށް އެކަމަނާ އިންނެވިއެވެ.
މައުލޫމާތު ހޯދައި ލިބިގަތުމުގެހައްގުގެ ދަށުން އާންމު ފަރާތަކުން ހޯދާފައިވާ މައުލޫމާތުން ދައްކަނީ އެކަމަނާގެ މެމްބަރުކަމުގައި އިންނެވިއިރު ދުވަހަކު ވެސް ޕާލަމެންޓުން އިނާޔަތެއް އަދި މުސާރައެއްވެސް ނަންގަވާފައި ނުވާ ކަމަށެވެ. ޕާލަމެންޓުން އެކަމަނާގެ އެކައުންޓަށް ފޮނުވި ފައިސާތައް އަނބުރާ ފޮނުއްވާފައިވާ ކަމަށް ދައްކައެވެ.
ހަ އަހަރުގެ ތެރޭގައި އެކަމަނާ ކުރެއްވީ އެންމެ ސުއާލެކެވެ. އެއީ ރޭލުތައް ފުރޮޅަނީ ކިއްވެގެން ތޯއެވެ؟
އެކަމަނާގެ ހަ އަހަރުގެ ތެރޭގައި ޕާލަމެންޓަށް ވަޑައިގަތީ އެންމެ 12 ދުވަހުއެވެ. އެ ދުވަސްތަކުގައިވެސް ދުވަސް ފުރިހަމަ ކުރައްވާފައެއް ނުވެއެވެ.
މަންގޭޝްކަރް އުފަންވެވަޑައިގަތީ އިންދޯރުގެ ސިކުން ދިރިއުޅޭ އަވަށެއްގައެވެ. އޭނާ ބޮޑުވީ މިއުޒިކީ އާއިލާއެއްގެ ތެރޭގައެވެ. އުޅެ ބޮޑުވީ މަހަރާޝްޓްރާގެ ކޯލާޕޫރުގައެވެ.
ބައްޕަ ދިނާނަތު މަންގޭޝްކަރަކީ ޑްރާމާ ކުންފުންޏެއް ހިންގެވި ގްވާލިއޯރް ޝާހީ ޚާންދާންގެ މިއުޒީޝަނެކެވެ.
