މާލެ އަތޮޅު މާފުށީ އިންޖީނުގޭގައި ސޯލާ ހަރުކުރުމުގެ މަސައްކަތް ފަށައި ކުރިއަށްދާ ކަމަށް ސްޓެލްކޯއިން ވިދާޅުވެއްޖެއެވެ.
އެކުންފުނީން ވިދާޅުވީ އެ މަސައްކަތަކީ އެ ކުންފުނީގެ އިޔާދަކުރަނިވި ހަކަތައިގެ ސިޔާސަތުތަކާއި އެއްގޮތަށް ކުރިއަށްދާ މަސައްކަތެއް ކަމަށެވެ. އެކުންފުނީގެ ސިޔާސަތަކީ ހުރިހާ އިންޖީނު ގެއެއްގެ ފުރާޅުގައި ސޯލާ ހަރުކުރުމެވެ. އެކަމަށް ޚާއްސަ ޕްރޮޖެކްޓެއް އެކުންފުނީން ވަނީ ފަށައިފައެވެ.
މި މަޝްރޫގެ ދަށުން މާފުށީ އިންޖީނުގޭ ފުރާޅުގައި ހަރުކުރަނީ 33.48kWp ގެ ހަކަތަ އުފެއްދޭވަރު ސޯލާއެވެ. ސްޓެލްކޯއިން ކުރިއަށް ގެންދާ "ފެހި ދިރިއުޅުން" ޕްރޮގްރާމްގެ ދަށުން ހެޔޮއަގުގައި ސޯލާ ޕެނަލް ލިބޭނޭގޮތް އެކުންފުނީން ވަނީ ހަމަޖައްސަވައިފައެވެ. އެ ޕްރްގްރާމުގެ ދަށުން އިންސްޓޯލްމަންޓަށް ވެސް ސޯލާ ޕެނަލް ގަނެވޭނެއެވެ.
