ކ. ކާށިދޫގެ ތަރައްގީއަށް ސްޓެލްކޯއިން ކޮށްދެވިދާނެ މަސައްކަތްތަކާއި، ދެއްވަމުން ގެންދަވާ ޚިދުމަތް އިތުރަށް ރަނގަޅުކުރަން ކުރެވިދާނެ މަސައްކަތްތަކާ ބެހޭ ގޮތުން ސްޓެލްކޯއިން އެރަށުގެ ކައުންސިލާ މަޝްވަރާ ކުރައްވައިފިއެވެ.
މި ބައްދަލުވުން ބާއްވާފައިވަނީ އެ ކުންފުނީގެ މެނޭޖިންގ ޑިރެކްޓަރ އަޙުމަދު ޝަރީފް އާދަމާއި ބޯޑުގެ ބައެއް މެމްބަރުންނާއި، އިސްވެރިން މިއަދު އެރަށު ކައުންސިލާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީއާ ބައްދަލު ކުރައްވައި ދެއްކެވި ކުރެއްވި މަޝްވަރާތަކުގައެވެ.
މި ބައްދަލުވުމުގައި ވަނީ އެރަށުގައި އިޔާދަ ކުރަނިވި ހަކަތަ ބޭނުންކޮށްގެން ކަރަންޓު އުފައްދާ މިންވަރު އިތުރު ކުރުމާ ބެހޭ ގޮތުން ވެސް މަޝްވަރާ ކުރައްވައިފައެވެ.
ކަރަންޓު ޚަރަދު ކުރުމަށްޓަކައި ކަރަންޓު އިގްތިސާދު ކުރުމާއި އިޔާދަކުރަނިވި ހަކަތަ ބޭނުން ކުރުމަށް ސްޓެލްކޯއިން ގެންދަނީ ހިތްވަރު ދެއްވަމުންމެވެ. އެގޮތުން އެކުންފުނީގެ ދަށުން ހިންގާ އިންޖީނުގެތަކުގެ ފުރާޅުގައި ސޯލާ ހަރުކުރުމަކީ ވެސް އެކުންފުނީން ކުރިއަށް ގެންދާ ޕްރޮގްރާމެކެވެ.
