ކ. ގާފަރުގައި މަސައްކަތްކުރާ ސްޓެލްކޯގެެ މުވައްޒަފުންނާ އެކުންފުނީގެ މެނޭޖިންޑިރެކްޓަރ (އެމްޑީ) އަޙުމަދު ޝަރީފް އާދަމް އިއްޔެ ބައްދަލު ކުރައްވައިފިއެވެ.
ޝަރީފާއި ސްޓެލްކޯ ބޯޑުގެ ބައެއް މެމްބަރުންނާއި ކުންފުނީގެ އިސް ބައެއް ބޭފުޅުން އިއްޔެ އެރަަށަށް ވަޑައިގެން މުވައްޒަފުންނާ ބައްދަލު ކުރައްވައި އެމީހުންނަށް ދިމާވާ ދަތިތަކާއި ގޮންޖެހުންތަކާ ބެހޭ މައުލޫމާތު ވަނީ އޮޅުން ފިލުވާފައެވެ. އަދި ދިމާވާ އެފަދަ ކަންކަން ހައްލުކޮށްދޭން ކޮށްދެއްވާނޭ މަސައްކަތްތަކާބެހޭ މައުލޫމާތު ވެސް ވަނީ މުވައްޒަފުންނަށް ދެއްވާފައެވެ.
ސްޓެލްކޯގެ ސީނިއަރ މެނޭކުމެންޓުގެ މިޓީމުން ގާފަރަށް ކުރެއްވި ދަތުރުގައި ވަނީ އެ ރަށުގެ ކައުންސިލާއި، އަންހެނުންގެ ތަރައްގީއަށް މަސައްކަތް ކުރާ ކޮމިޓީއާ ވެސް ބައްދަލުކުރައްވައިފައެވެ. ވަކި ވަކިން ބޭއްވި މިބައްދަލުވުންތަކުގައި، ގާފަރުގެ ތަރައްގީގެ މުހިއްމު ބައިވެރިއެއްގެ ހައިސިއްޔަތުން، ސްޓެލްކޯ އިން އެރަށަށް ދެމުންގެންދާ ޚިދުމަތްތައް ކުރިއަށްއޮތް ތަނުގައި އިތުރު ހަރުފަތަކަށް ގެންދިއުމާ ގުޅޭގޮތުން ވަނީ މަޝްވަރާކުރައްވާފައެއެވެ.
މި ޓީމް އިއްޔެވަނީ ކާށިދުއަށް ވެސް ވަޑައިގެން އެރަށުގައި މަސައްކަތް ކުރާ ސްޓެލްކޯގެ މުވައްޒަފުންނާއި ރަށުކައުންސިލާއި އަންގެނުންގެ ތަރައްގީއަށް މަސައްކަތްކުރާ ކޮމިޓީއާ ވެސް ބައްދަލު ކުރައްވާފައެވެ.
