އދ. ހަންޏާމީދޫގެ ކަރަންޓު ޑިސްޓްރިބިއުޝަން ނެޓްވޯކް އަޕްގްރޭޑް ކުރުމުގެ މަސައްކަތް މިމަހުގެ ނިޔަލަށް ނިންމާލެވޭނޭ ކަމަށް ސްޓެލްކޯއިން ވިދާޅުވެއްޖެއެވެ.
އެކުންފުނީން ވިދާޅުވީ އެސައްކަތް ނިމުމުން އެރަށުގެ ރައްޔިތުންނަށް ވަރަށްބޮޑު ލުއިފަސޭހައެއް ލިބިގެންދާނޭ ކަމަށެވެ.
މި މަސައްކަތުގެ ދަށުން މިހާރު ވަނީ 2900 މީޓަރުގެ ކޭބަލް ވަޅުލައި ނިމިފައެވެ. "މި މަސައްކަތް މިމަހުގެ ނިޔަލަށް ނިންމާލެވި، އެކަމުގެ ފަސޭހަތައް ހަންޏާމީދޫގެ ރައްޔިތުންނަށް ލިބިގެންދާނެ،" ސްޓެލްކޯއިން ވިދާޅުވިއެވެ.
ސްޓެލްކޯއަކީ ދިވެހީންނަށް ޚިދުމަތް ދިނުމުގައި ނަމޫނާ ކުންފުންޏެކެވެ. 70 އަހަރުގެ ތަޖުރިބާއާއެކު އެކުންފުނީން މިހާރު ގެންދަނީ ރައްޔިތުންނަށް ފެންވަރު ރަނގަޅު ޚިދުމަތެއް ދެމުންނެވެ. އެކުންފުނީގައި ތިބި ތަޖުރިބާކާރު އިންޖީނިއަރުންގެ ހުނަރު ބޭނުން ކޮށްގެން ކަސްޓަމަރުންނަށް އެންމެ އެކަށީގެންވާ ޚިދުމަތެއް ދެވޭނެ އެއް ކުންފުންޏަކީ ސްޓެލްކޯ ކަމަށް އެކުންފުނިން ވަނީ ވިދާޅުވެފައެވެ.
