ވިލިމާލެ ކޮމިއުނިޓީ ގާޑެން ރަސްމީކޮށް ހުޅުވައިފިއެވެ.
އިއްޔެ ހަވީރު ބޭއްވި ރަސްމިއްޔާތުގައި ވިލިމާލެ ކޮމިއުނިޓީ ގާޑެން ރަސްމީކޮށް ހުޅުވައި ދެއްވީ މާލޭ ސިޓީ މޭޔަރު ޑރ. މުހައްމަދު މުއިއްޒު އާއި ވިލިމާލެ ކައުންސިލް ދާއިރާގެ މެންބަރު ނަހުލާ އަލީ އެވެ.
ވިލިމާލެ ކޮމިއުނީޓީ ބަގީޗާ އަކީ އެކި ބާވަތްތަކުގެ މޭވާއާއި ތަރުކާރީ އަދި މާމެލާމެލީގެ ގަސްތައް ހިމެނޭހެން ހަދާފައިވާ ބަގީޗާއެކެވެ.
އެ ބަގީޗާގައި ހުންނަ 30 ގޮޅި އާންމުންނަށް ދޫކޮށްފައިވާ އިރު ގޮޅިއެއް ދޫކޮށްފައި ވަނީ 700 އެއްހާ ރުފިޔާ އަށެވެ. ނަމަވެސް ފަން ބިލާއި ކުއްޔާ އެއްކޮށްލުމުން 1000 ރުފިޔާއަށް ވުރެ ބޮޑު ހަރަދެއްދާ ކަމަށް އެ ގޮޅީގެ ވެރިފަރާތްތަކުން ބުނެ އެވެ.
ވިލިމާލެ ކޮމިއުނިޓީ ގާޑެންއަކީ ޑރ. މުއިއްޒު އާއި އެ ދާއިރާގެ ކައުންސިލަރު ނަހުލާ އަލީގެ ކެމްޕޭނު ވައުދެކެވެ.
