މަނީ ލޯންޑަރިންއާއި ޓެރަރިޒަމަށް ފައިނޭންސް ކުރުމުގައި ޕާކިސްތާނުން ހަރުދަނާ ފިޔަވަޅުތަކެއް އަޅާފައި ނުވާކަމަށް ބުނެ، އިންޓަރނޭޝަނަލް ފައިނޭންޝަލް ޓާސްކްފޯސްއިން ޕާކިސްތާން ގްރޭ ލިސްޓަށް ލާފައި ވުމުގެ ސަބަބުން މިހާތަނަށް ޕާކިސްތާނަށް ވަނީ 38 ބިލިއަން ޑޮލަރު ގެއްލުން ވެފައެވެ.
ޕާކިސްތާނުގެ ޓެރަރިޒަމްގެ މައްސަލަ ބަލާ ކޯޓަކުން ވަނީ މިދިޔަ ހުކުރު ދުވަހު ޓެރަރިސްޓް މާސްޓާމައިންޑް ހާފިޒް ސައީދު 30 އަހަރަށް ޖަލަށް ލާން ޙުކުމް ކޮށްފައެވެ. ޑިޕްލޮމޭޓު މަޖައްލާއިން ލިޔެފައިވާ ތަހުލީލެއްގައ ބުނެފައި ވަނީ މިއީ ދިގު އިންތިޒާކަށްފަހު އައިސްފައިވާ ލަސް ހުކުމެއް ކަމަށެވެ. އަދި ޕާކިސްތާނުން މިކޯޓުން މިހުކުމް ކޮށްފައި ވަނީ ކްރެޑިޓް ޑިފޯލްޓްގެ ބިރު އިންތިހާއަށް ބޮޑުވެ ޕާކިސްތާނަށް ބޭރު ފައިސާގެ ދަތިކަން އިހުސާސް ވުމާ ގުޅިގެން ކަމަށްވެސް ބުނެފައި ވެއެވެ. ޕާކިސްތާނުގެ ސްޓޭޓަސް ބެލުމަށް އަލުން ފައިނޭންޝަލް ޓާސްކް ފޯސްއިން ބައްދަލު ވުމެއް ބާއްވާނީ މިއަހަރުގެ ޖޫން މަހުގެ ތެރޭގައެވެ.
ޕާކިސްތާނުން ވަނީ އެފްއޭޓީއެފްއިން ހުށަހަޅާފައިވާ ވަރަށް ގިނަކަންތައްތައް ހާސިލުކޮށް ދައްކާފައެވެ.
