އަފްޣާނިސްތާންގެ ބަލަޚް ޕްރޮވިސްގެ ވެރިރަށް މަޒާރޭ ޝަރީފްގައި މިސްކިތުގައި ބޮމެއް ބާއްވައިގެން ދިން ހަމަލާގައި ނަމާދަށް ތިބި 25 މީހުން މަރުވެ 35 މީހުންނަށް ހާނީއްކަ ވެއްޖެއެވެ.
ޝީއީ މުސްލިމުން ދިރިއުޅޭ ސަރަހައްދުގައި ދީފައިވާ މި ހަމަލަ އަމާޒުކޮށްފައި ވަނީ ސީ ދުއްކާން މިސްކިތުގައި އިއްޔެ 400 އެއްހައި މީހުން މެންދުރު ނަމާދަށް ތިއްބައެވެ.
ބޮމުން އަސަރުކޮށްފައި ވަނީ ފުރަތަމަ ސަފާއި ދެވަނަ ސަފުގައި ތިބި މީހުންނަށެވެ.
ހައްދު ފަހަނައަޅާފައިވާ އިސްލާމިކް ސްޓޭޓުން ވަނީ މި ހަމަލާއަށް ޒިންމާ އުފުލާފައެވެ.
