ސްރީލަންކާއަށް އަވަށްޓެރިން ގެން ދަނީ އެހީ ވަމުންނެވެ. އިންޑިއާއިން ވަނީ ސްރީލަންކާއަށް ތެޔޮ ސަޕްލައި ކޮށްދިނުން މަތީގައި ދެމިހުންނާނެ ކަމަށާއި 500 މިލިއަން ޑޮލަރުގެ މާލީ އެހީތެރިކަމެއް ދޭނެ ކަމަށް ވައުދުވެފައެވެ. އަދި ބަންގްލަދޭޝްއިން ވަނީ ކަރަންސީ ސްވޮޕްގެ ދަށުން ކޮޅުނބުން ޑާކާއަށް ދައްކަން ޖެހޭ 450 މިލިއަން ޑޮލަރު ދެއްކުން ފަސް ކުރުމަށްވެސް ނިންމާފައެވެ.
ސްރީލަންކާގެ އަވަށްޓެރިން ކޮޅުނބަށް އެހީވާން މި ނިންމީ، އިންޓަނޭޝަނަލް މަނިޓަރީ ފަންޑާއެކު ދައްކަމުންދާ ވާހަކަތަކުގައި އެފަންޑުން ދޭ ފައިސާ ހަމަސް ފަހުން ހަމަޖެހޭނެ ކަމަށް ބުނުމާ ގުޅިގެންނެވެ. އައިއެމްއެފްއިން ބުނެފައި ވަނީ ލަންކާއަށް އެހީވާނީ ބައިބަޔަށް ކަމަށެވެ.
ލަންކާގެ މާލީ ވަޒީރު އަލީ ސޮބްރީ ގެންދަވަނީ ވޮޝިންޓަނުގައި މާލީ އިދާރާތަކާ މަޝްވަރާ ކުރައްވަމުންނެވެ.
މީގެ އަށް މަސް ކުރުން ސްރީލަންކާގެ އިގްތިސާދު އަޑިއެޅުމުގެ ތުންފަތް މަތީގައި އޮތް އިރު އައިއެމްއެފްއިން އެހީވާން އެދުމުން ލަންކާއިން ވަނީ ޗައިނާގެ ބަހަށް އެ އެހީ ބޭނުން ނޫންކަމަށް ބުނެފައެވެ. އަދި އެމެރިކާއިން ދިން 400 މިލިއަން ޑޮލަރަށް ވުރެން ބޮޑު އެހީއެއްވެސް ބޭނުން ނޫންކަމަށް ބުނެފައެވެ.
