އިޒްރޭލު ސިފައިން ވަނީ ޖައްސަޖައްސައިގެން ހަވަނަ ދުވަހު މަސްޖިދުލްއަގްސާގެ ޙުރުމަތް ކަނޑާލާފައެވެ. ޒަޔަނިސްޓު ސިފައިން ވަނީ ވަށައިގެންވާ މިސްކިތުގެ ވަށައިގެންވާ އިމާރާތްތަކުގެ މައްޗަށް އަރައި ތިބެގެން ހަރިއްމަ ތެރޭގައި ތިބި މީހުންގެ ގަޔަށް ރަބަރު ވަޒަން ޖަހައި ހަމަލަ ދީފައެވެ.
ފަލަސްތީނުގެ ބާރު ކެނޑި، އިތުބާރު ގެއްލިފައިވާ ރައީސް މަހުމޫދު އައްބާސް ވަނީ އިޒްރޭލާ ދެކޮޅަށް ފަލަސްތީނަށް ފިޔަވަޅު އަޅަން މަޖުބޫރު ވެދާނެ ކަމަށް އިންޒާރު ކުރައްވާފައެވެ.
އިސްލާމީ ޙަމާސް އިން ބުނެފައި ވަނީ އިޒްރޭލު ސިފައިންނާ ދެކޮޅަށް ހަމަލަ ދޭން ޢިޒްޒުއްދީން އަލްޤައްސާމް ބްރީގޭޑުން އޮތީ ތައްޔާރަށް ކަމަށެވެ.
މިއަދު 30ކަށް މީހުން ޒަޚަމްވި އެވެ. އޭގެ ތެރޭގައި 3 ނޫސްވެރިއަކުވެސް ހިމެނެއެވެ. އަދި ފަލަސްތީނުގެ 20 އަހަރުގެ ޒުވާނަކުވެސް ވަނީ މިއަދު މަރުވެފައެވެ.
އިޒްރޭލުން ދަނީ ހުޅަނގު އައްސޭރީގައިވެސް މީހުންގެ ދިރިއުޅުން ދަތިވާ ގޮތަށް ސަރަހައްދުތައް ބަންދުކޮށް މީހުންގެ ހަރަކާތްތަކަށް ހުރަސް އަޅަމުންނެވެ.
ނަސްލީ ތަފާތު ކުރުމުގެ ސިޔާސަތެއް ގެންގުޅޭ ކަމަށް ބުނެ އިޒްރޭލު ކުށްވެރިކޮށްފައިވާ ހިއުމަންރައިޓްސް ވޮޗްއިން އިން ވަނީ އިޒްރޭލުން މީހުންގެ ދިރިއުޅުން ދަތިކުރުމަށް މަސައްކަތް ކުރަނީ ކަމަށް ބުނެ ޒަޔަނިސްޓް ސަރުކާރު ކުށްވެރިކޮށްފައެވެ.
