ޔަމަނުގައި ހިނގަމުންދާ ހަނގުރާމައާއި ސައޫދީ އަރަބިއްޔާއަށް ލިބެމުންދާ ގެއްލުމާއެކު ސައޫދީއާއި އީރާނުން މަޝްވަރާތައް ބާއްވަން ފަށައިފިއެވެ. އީރާނުގެ ސަލާމަތީ ބާރުތަކާ ގާތް ފަރާތަކުން ކަށަވަރު ކޮށްދިން ގޮތުގައި ފަސް ވަނަބުރުގެ މަޝްވަރާތައް ދެ ގައުމުން ވަނީ ބަޣްދާދުގައި ބާއްވާފައެވެ.
މި ބައްދަލުވުމުގައި ސައޫދީ އަރަބިއްޔާ ތަމްސީލު ކުރެއްވީ ޖާސޫސީ އިދާރާގެ ވެރިޔާއެވެ. އީރާންގެ ވަފްދުގެ ވެރިޔަކީ ނޭޝަނަލް ސެކިއުރިޓީ ކައުންސިލްގެ ރައީސެވެ.
އެއްވެސް ފަރާތަކުން އިތުރު ތަފްސީލެއް ދީފައެއް ނުވެއެވެ.
އީރާނާ ސައޫދީން ގުޅުން ރަގަޅު ކުރުމަށްވެސް މަސައްކަތް ކުރެއެވެ. ނަމަވެސް މަސްލަހަތުތަކާއި ސަރަހައްދީ ބާރުވެރިކާއި ބޭރުގެ ނުފޫޒާހެދި އެއްގަލަކަށް އެރޭ ގޮތެއް ނުވެއެވެ.
