މަސްޖިދުލް އަގްސާގެ ހަރިއްމައިގައި ހުއްޓާ އިޒްރޭލު ސިފައިން މުރުގުން ތަޅައި ބޮލަށް ސީރިއަސް އަނިޔާ ދިން ފަލަސްތީނުގެ 21 އަހަރުގެ ޒުވާނާ ކޯމާއަކަށް ވެއްޓި ހާލު ސީރިއަސް ވެފައިވާ ކަމަށް އޭނާގެ އާއިލާއިން ބުނެފި އެވެ.
ބަރަކާތްތެރި ރަމަޟާން މަސް ނިމުމަކާ ގާތްވެފައި ވަނިކޮށް، އަލްއަޤްޞާ ގެ ހަރިއްމައިގައި އަޅުކަމުގައި ހުއްޓައި އަނިޔާ ކުރި ވަލީދު އަލްޝާރިފް ދަނީ އޭނާގެ ފުރާނައަށް ޓަކައި ހަނގުރާމަ ކުރަމުންނެވެ.
ޔަހޫދީ ޒަޔަނިސްޓް ސިފައިން ވަނީ މިދިޔަ ހަތް ދުވަސް ތެރޭ ކޮންމެ ދުވަހަކު ވެސް ފަލަސްތީނު މީހުންނަށް ހަމަލާދެމުން ގޮސްފައެވެ. މީހުން ބުނާ ގޮތުގައި ޒަޔަނިސްޓުންގެ މިއަމަލުތައް އެންމެ ވައްތަރީ މޫސާގެފާނުގެ ދުވަސްވަރު ފިރުއަނުގެ ވެރިކަމުގައި ޔަހޫދީންނަށް ކުރަމުން ދިޔަ އަނިޔާއަށް ވުރެން އެއް ދަރަޖަ ކުރިއަށް ޖައްސާލައި އަނިޔާ ކުރަމުންދާ މަންޒަރާއެވެ.
