ހަ އަހަރު ދުވަސްވަންދެން ދަތުރުތައް މަޑު ޖައްސާލައި އޮތުމަށްފަހު ޔަމަންގެ އެއަރލައިނުން މިއަދު ފަށަން އުޅުނު ފުރަތަމަ ދަތުރުތައް އަނެއްކާވެސް ފަސްކޮށްފިއެވެ. ޔަމަނުގެ ވެރިރަށާއި އެއަރޕޯޓް އޮންނަނީ އިދިކޮޅު ހޫސީ ހަނގުރާމަވެރިންގެ ބާރުގެ ދަށުގައެވެ.
ވެރިރަށް ސަންޢާއިން އައްމާނަށް ބާއްވަން އުޅުނު ދަތުރަކީ، ބައިނަލްއަގުވާމީ ފެންވަރުގައި ބަލައިގެންފައިވާ ސަރުކާރާއި ހޫތީ ހަނގުރާމަވެރިންނާ ދެމެދު މި މަހު ކުރީކޮޅު ވެވުނު ސުލްހައިގެ އެއްބަސްވުމުގެ ދަށުން ކުރިއަށް ގެންދަން ރާވާފައިވާ ފްލައިޓެކެވެ.
އޭޕްރީލް މަހުގެ 2 ވަނަ ދުވަހުން ފެށިގެން 60 ދުވަހުގެ މުއްދަތަށް ހަނގުރާމަ ހުއްޓާފައި ބޭއްވުމަށް ދެފަރާތުން ވަނީ އެއްބަސްވެފައެވެ. ޔަމަން، އަރަބި ދުނިޔޭގެ އެންމެ ފަގީރު ގައުމު ވަނީ ހަނގުރާމައިން ސުންނާފަތި ކޮށްލާފައެވެ.
ސައުދީ އަރަބިއްޔާ އިސްވެ އޮވެ އުފައްދާފައިވާ އަސްކަރީ ކޯލިޝަނުން 2015 ވަނަ އަހަރުގެ ކުރީކޮޅު ހަނގުރާމަ ފަށާފައިވަނީ، އީރާނުން ވާގިވެރިވާ ހޫތީން ސަނާއާއި ޔަމަނުގެ އުތުރުގެ ބޮޑު ބައެއް ހިސޯރުކުރިތާ މަސްތަކެއް ފަހުންނެނެވ. ސައުދީން ހަނގުރާމަ ކުރީ ބައިނަލްއަގްވާމީ ފެންވަރުގައި ބަލައިގެންފައިވާ ރައީސް އަބުދުރައްބު މަންސޫރު ހާދީއަށް ތާއީދުކޮށް، އޭނާ ގައުމުން ބޭރަށް އަރުވާލެވިގެން ހުންނެވުމަށް މަޖުބޫރުކުރި ހޫތީންނާ ދެކޮޅަށެވެ.
މި ހަނގުރާމައިގައި ދޮޅު ލައްކަ މީހުން މަރުވެފައި ވެއެވެ.
ވައިގެ ދަތުރުތައް ފެށުމަށް އެއްބަސްވީ ހަފްތާއަކު އައްމާނަށާއި ޤާހިރާއަށް ދަތުރުކުރާ ގޮތަށް ދެ ދަތުރެވެ.
