ސްރީލަންކާގެ އިގުތިސޯދީ މަސްރަހު އިންތިހާއަށް ގޯސްވެފައިވާ މި ދަނޑިވަޅުގައި، ސްރީލަންކާ ސަރުކާރު އިސްތިއުފާ ދިނުމަށް އެގައުމުގެ ނުފޫޒުގަދަ ބުޑިސްޓް ލީޑަރުން ސަރުކާރަށް ޕްރެޝަރު ކުރިމަތިކުރަން ފަށައިފިއެވެ.
ސްރީލންކާގެ ތާރީޚުގައި ކުރިމަތިވި އެންމެ ބޮޑު ހީނަރުކަމުގެ ސަބަބުން އެޤައުމުގެ 22 މިލިއަން ރައްޔިތުންނަށް ވަނީ ބޮޑެތި އިގްތިސާދީ ދަތިތަކާ ކުރިމަތިލާން ޖެހިފައެވެ. ކރަންޓު ކެނޑުމާއި ގޭސް ނުލިބުމާއި ކާބޯތަކެއްޗާއި ތެލުގެ ދަތިކަން އިންތިހާއަށް ބޮޑުވެފައި ވެއެވެ.
މި ކާރިސާގެ ސަބަބުން މުޅި ގައުމުގައި މުޒާހަރާތައް ކުރަމުންދާއިރު، އެ ގައުމުގެ އެންމެ ނުފޫޒުގަދަ ބުޑިސްޓް ހާމުދުރުން މިހާރު ވަނީ ސަރުކާރުގެ އިސްތިއުފާއަށް ގޮވާލައި، ސަރުކާރާ ދެކޮޅަށް މުޒާހަރާ ކުރާ މީހުންނާ ގުޅިފައެވެ.
ހާމުދުރުން ގެ ބައްދަލުވުމުގައި މިއަދު ކެންޑީގައި ނޫސްވެރިންނާ ވާހަކަ ދައްކަވަމުން އިސް ހާމުދުރު މެޑަގަމާ ދަމަންދަނާ ވިދާޅުވީ، ގައުމު ދަނީ ވަރަށް ބާރަށް ފެއިލްވެފައިވާ ދައުލަތަކަށް ބަދަލުވަމުން ކަމަށެވެ.
އޭނާއާއި އެހެން އިސް ހާމުދުރުން ވަނީ ރައީސްއަށް ވަގުތީ ސަރުކާރެއް އެކުލަވާލުމަށް އެދިފައެވެ. އެހންވެއްޖެނެމަ، ބޮޑު ވަޒީރު ރާޖަޕަކްސައަށް އިސްތިއުފާއަށް މަޖުބޫރުވާނެއެވެ.
