އިންޑިއާގެ ބޮޑު ވަޒީރު ނަރެންދްރަ މޮދީއާއި އިޔޫ ކޮމިޝަންގެ ރައީސް އުރުސުލާ ވޮން ޑަރ ލެޔެން މިއަދު ނިއުދިއްލީގައި ބައްދަލު ކުރައްވައިފިއެވެ. އީޔޫ ކޮމިޝަންގެ ރައީސްގެ ދަތުރުފުޅަކީ، ރައިސީނާ ޑައެލޮގް އިފްތިތާހު ކުރެއްވުމަށް ކުރައްވާ ދަތުރުފުޅެކެވެ.
މިއަދުގެ މަޝްވަރާތަކުގައި، އިންޑިއާ އާއި ޔޫރަޕިއަން ޔޫނިއަންއިން ވަނީ ދެ ގައުމުގެ ދެމެދު އެއްބާރުލުން އިތުރު ކުރުމަށް ޓްރޭޑް އެންޑް ޓެކްނޮލޮޖީ ކައުންސިލެއް އުފައްދަން ނިންމާފައެވެ.
ޔޫރަޕިއަން ކޮމިޝަންގެ ރައީސް އުރުސުލާ ވޮން ޑަރ ލެޔެންގެ މިދަތުރުފުޅަކީ މިދިޔަ ފެބްރުއަރީ މަހު މޮސްކޯއިން ޔޫކްރެއިންއަށް ހަމަލަ ދިނުމަށް ފަހު އީޔޫގެ އިސްމަސްއޫލުވެރިއަކު ނިއުދިއްލީއަށް ކުރައްވާ ފުރަތަމަ ދަތުރުފުޅެވެ.
އިންޑިއާއާއެކު މިއަދު އީޔޫއިން ސޮއި ކުރި ޓްރޭޑް އެންޑް ޓެކްނޮލޮޖީ އެއްބަސްވުމަކީ، އީޔޫއިން މީގެ ކުރިން އެމެރިކާއާއެކު އެކަނި ކޮށްފައިވާ އެއްބަސްވުމެކެވެ.
އިންޑިއާގެ ބޮޑުވަޒީރު ނަރެންދުރަ މޯދީއާ އެކު ބޭއްވި ބައްދަލުވުމެއްގައި ވާހަކަ ދައްކަވަމުން ވޮން ޑަރ ލެޔެން ވިދާޅުވީ މިއަދު އިންޑިއާ އީޔޫ މި ގުޅުން ކުރިއަށް ވުރެ މާ މުހިންމުހެން ހީވާ ކަމަށެވެ.
