ދުނިޔޭގެ ލަގްޒަރީ ބްރޭންޑްތަކުގައި ވިޔަފާރި ކުރުމަށް އިންޑިއާގެ ރިލައެންސްއިން ނިންމައިފިއެވެ. މުކޭޝް އަމްބާނީގެ ރިލައެންސްއިން ވަނީ އެއް ބިލިއަން ޑޮލަރުގެ ލަގްޒަރީ ޝިޕިންގ މޯލެއް މުމްބާއީގެ ބާންދްރާ ކުރްލާގައި ބިނާ ކުރުމަށް ނިންމާފައެވެ.
މިއީ ހަމައެކަނި އެންމެ ލަގްޒަރީ ބްރޭންޑްތައް ޚާއްސަ ކުރާ މޯލެވެ.
ޖިއޯ ވަރލްޑް ސެންޓަރގެ މަސައްކަތާ ހަވާލުވެ ހުރީ މުކޭޝް އަމްބާނީގެ 30އަހަރުގެ ދަރިފުޅު އީޝާކަމަށްވެސް ރޮއެޓަރޒްއިން ބުނެއެވެ.
މީގެ މަގްސަދަކީ އިންޑިއާގައި ލަގްޒަރީ ބްރޭންޑަކުން ވިޔަފާރި ކުރާނަމަ އެބަޔަކު އިންޑިއާގެ ބާޒާރަށް ވަނުމަށް އަމްބާނީ ގުޅުން ކަމަށް މާނަކޮށްފައި ވެއެވެ.
އިންޑިއާގެ ރީޓެއިލް މާކެޓަކީ 900 ބިލިއަން ޑޮލަރުގެ މާކެޓެކެވެ. ނަމަވެސް ލަގްޒަރީ މުދަލުގެ ހިއްސާ ކުރިއަށް އޮތް ފަސް އަހރގެ ތެރޭގައި ދެގުނައަށް ޑަބަލްވެ، ފަސް ބިލިއަން ޑޮލަރަށް އަރާނެ ކަމަށް ލަފާ ކުރެވެއެވެ.
