އިންޑިއާގެ ޔުކްރެއިން ސިޔާސަތާ ބެހޭ ގޮތުން ސުއާލުކުރާ ފަރާތްތަކަށް އިންޑިއާގެ ޚާރިޖީ ވަޒީރު ދެއްވި ޖަވާބަކީ އޭޝިއާގައި ދުނިޔޭގެ ނިޒާމު ހަލަބޮލި ވެގެން ދިޔައިރު ޔޫރަޕް އޮތީ ކޮންތާކު ތޯއެވެ؟
ޚާރިޖީ ވަޒީރު އެސް ޖައިޝަންކަރު ވިދާޅުވީ، އަފްޣާނިސްތާނުގައި ގާއިމްވެފައި އޮތް މަދަނީ ސަރުކާރު ޗިސްޗިސް ކޮށްލައި ދުނިޔޭގައި ގައިމްވެފައިވާ ނިޒާމަށް ލޮޅުން އަރުވާލިއިރު ޔޫރަޕާއި ދުނިޔެއިން ކުރީ ކޮންކަމެއް ހެއްޔެވެ؟ އަދި އިންޑިއާއަށް ގޮންޖެހުންތައް ކުރިމަތިވިއިރުވެސް އެކަމަށް އަޅާލި ބަޔަކު ނެތް ކަމަށެވެ. އެއިރު އިންޑިއާއަށް ނަހޭހަތްތެރިވި މީހުން ބުނީ، އަދިވެސް ވިޔަފާރި އުތުރުކުރާށެވެ. ނަމަވެސް ޔޫރަޕްގެ ހަނގުރާމައިގައި އެފަދަ މަޝްވަރާއެއް ދެއްވަން ނެތް ކަމށް ޖަޔަޝަންކަރު ވިދާޅުވިއެވެ.
ޔޫކްރެއިންގައި ހިނގަމުންދާ ފަދަ ޕްރެޝަރު ބޮޑު މައްސަލަތައް ދުނިޔޭގެ އެހެން ތަންތާނގައިވެސް ހިނގަމުންދާ ކަމަށް ޖަޔަޝަންކަރު ވިދާޅުވިއެވެ. އޭނާ ވިދާޅުވީ ދުނިޔޭގެ މިހާރު ހިނގަމުންދާ ހަމަނުޖެހުންތަކުގެ ނަތީޖާއަކީ ހަކަތައާއި ކާނާގެ އަގުތައް އިތުރު ވެގެން ދިއުމެވެ. އަދި ހަނގުރާމައިން ކާމިޔާބު ލިބޭނެ އެއްވެސް ފަރާތެއް ނޯންނާނެ ކަމުގައި ވިދާޅުވިއެވެ.
