ރަޝިއާގެ ސަރުކާރުގެ ހަކަތަ ކުންފުނި ގޭޒްޕްރޮމް އިން ވަނީ ޕޮލެންޑާއި ބަލްގޭރިއާއަށް ފޮނުވާ ގޭސް ފޮނުވުން ހުއްޓާލާފައެވެ. ރަޝިޔާއިން ބުނެފައި ވަނީ މި ދެގައުމުން ރަޝިޔާއަށް ރޫބްލްސްއިން ފައިސާ ދައްކަން ދެން އަލުން ގޭސް ސަޕްލައި ކުރަން ނުފަށާނެ ކަމަށެވެ.
ހުޅަނގުން ބުނަނީ ރަޝިޔާއިން ހުލަނގާ ދެކޮޅަށް ގޭސް ހަތިޔާރަކަށް ބޭނުން ކުރަނީ ކަމަށެވެ!
ނިމިގެން ގޮސްފައިވާ 2019 ވަނަ އަހަރު ވިލާތު އިއްތިހާދަށް އެތެރެކުރި ޤުދުރަތީ ގޭހުގެ %41 ފޮނުވާފައި ވަނީ ރަޝިޔާއިންނެވެ. ޔޫރަޕަށް ރަޝިޔާއިން ސަޕްލައި ކުރާ ގޭސް ހުއްޓިއްޖެނަމަ، ކޮންޓިނެންޓަށް ދަތިތަކާ ކުރިމަތިލާން ޖެހޭނެއެވެ.
އިޓަލީއާއި ޖަރުމަނުވިލާތަކީ އެންމެ ގިނައިން ރަޝިޔާ ގޭސް އެތެރެ ކުރާ ދެގައުމެވެ. މި ދެގައުމަށް ރަޝިޔާ ގޭސް ނުލިބޭނަމަ ވަރަށް ނާޒުކު ހާލަތަކަށް ހިނގައިދާނެ އެވެ.
ޔޫރަޕްގެ ގައުމުތަކުގައި ގޭސް ރައްކާކުރުމުގެ ގާބިލްކަން ހުރީ ކިހާ މިންވަރަކަށްތޯ ވެސް ސުއާލު އުފެދެއެވެ. ޕޮލެންޑަށް ގޭސް ހުއްޓާލި ނަމަވެސް ޕޮލެންޑްގެ ގޭސް ރައްކާކުރާ ސްޓޮކް ހުރީ 76 ޕަސެންޓް ފުރިފަ އެވެ. ނަމަވެސް ބަލްގޭރިއާގައި ސްޓޮކްގައި ހުރީ އެންމެ 17 ޕަސެންޓުގަ ގޭހެވެ.
ބަލްގޭރިއާ އިން ބުނަނީ އަޒަރުބައިޖާނުން ގޭސް ލިބޭ މިންވަރު އިތުރުކޮށް، ތުރުކީ އާއި ގްރީސްއާ އެކު އެއްބސްވުންތައް ހެދުމަށް މަސައްކަތް ކުރަމުން އަންނަ ކަމަށެވެ. ޕޮލެންޑުން ދަނީ ނޯވޭގެ ގޭސް ދަނޑުތަކާ ގުޅުވުމަށް ގޭސް ހޮޅިއެއް އެޅުމަށްވެސް ވިސްނަމުންނެވެ. އަދި އިތުރު ސަޕްލައި ހޯދުމަށް އަވަށްޓެރި ލިތުއޭނިއާގެ އެހީވެސް ހޯދުމަށް މަސައްކަތް ކުރަމުންނެވެ.
މީގެ އިތުރުން ޔޫރަޕުން ދަނީ ގަތަރު، އަލްޖީރިއާ ނުވަތަ ނައިޖީރިއާ ފަދަ ގޭސް އެކްސްޕޯޓް ކުރާ ފަރާތްތަކުގ އެހީއަށްވެސް އެދެމުންނެވެ.
މި ގައުމުތަކުން ރަޝިޔާގެ ގޭސްއަށް ބަރޯސާ ކުރަން ބޭނުންވެއެވެ. އެކަމަކު އިންޑިއާއިން ރަޝިޔާގެ ތެލަށް ބަރޯސާ ކުރުން ހުއްޓުވުމަށް މަސައްކަތް ކުރުމުން އިންޑިއާއިން ވަނީ އިތުރަށް އެވާހަކަ ނުދެއްކުމަށް އަންގާފައެވެ.
