އުމުރުން 33 އަހަރުގައި ޕާކިސްތާންގެ އެންމެ ޒުވާން ފޮރިން މިނިސްޓަރ ބިލާވަލް ބުއްޓޫ ޒަރުދާރީއާ ހަވާލުވެފައި މިއޮތީ ފަސޭހަ މަސައްކަތެއް ނޫނެވެ. ޕާކިސްތާންގެ އަވަށްޓެރިޔާއާ ގުޅުން މިއޮތީ ދުވަހަކުވެސް ހީނަރު ނުވާވަރަށް ނީނަރުވެގެން ގޮސްފައެވެ. އަދި ދުނިޔޭގެ އެންމެ ބޮޑު ބާރާއެކު އޮތް ގުޅުންވެސް ވަނީ ބޮޑު ކޮށް ހީނަރުވެފައެވެ.
އޮކްސްފޯރޑް ގުރެޖުއޭޓް ބިލާވަލް ވަނީ ފޮރިން އޮފީސްގެ ކޮރިޑޯގައި ހިންގަވައި މުވައްޒަފުންނަށް ސަލާމާއި ހައި ޖައްސަވާފައެވެ.
އޭނާ ވިދާޅުވާ ގޮތގައި މިހާތަނަށް ލިބުނު ތަޖުރިބާތަކަށް އަމަލީ ސިފައެއް ގެނައުމުގެ ވަގުތު މިއޮތީ އައިސް ޖެހިފައެވެ.
އޭނާގެ ޕާލަމެންޓްގެ ކޮލީގުންނާއި ސިޔާސީ ރަހުމަތްތެރިން ބުނާ ގޮތުގައި މި ފުރުސަތަކީ އޭނާއށް އަމިއްލަ ޝަޚުސިއްޔަތެއް ބައިނަލްއަގްވާމީ މައިދާނުގައި ސާބިތުކޮށް ދިނުމަށް ލިބިގެނދާނެ ފުރުސަތެކެވެ.
އޭނާ ކާމިޔާބުވާނެ ކަމަށް ބުނާ ފަރާތްތަކުން ދައްކަނީ އޭނާގެ ވަށައިގެންވާ މީހުންނެވެ. މިއީ ބޭނަޒީރަށް ހެޔޮ އެދޭ ފަރާތްތަކާއި ޑިޖިޓަލް މީޑިއާގެ ތަޖުރިބާކާރުންނާއި ލޯޔަރުންނާއި އިންސާނީ ހައްގަށް މަސައްކަތް ކުރާ ފަރާތްތަކެވެ. އެފަރާތްތަކުގެ އިރުޝާދާއެކު އޭނާ ކާމިޔާބު ވާނެކަމަށް އެފަރާތްތަކުން ލަފާ ކުރެއެވެ.
