އިންޑިއާއިން ޕާކސްތާނާ ދޭތެރޭ ދެކޭ ގޮތް ބަދަލުވެފައި ނުވާކަމަށް އިންޑިއާއިން ބުނެފިއެވެ. ޕާކިސްތާނުގެ އާ ބޮޑުވަޒީރުކަމަށް ޝެހްބާޒް ޝަރީފް ވަޑައިގެންނެވިތާ މިހާރު 15 ވަރަކަށް ދުވަސްވީއެވެ. ޕާކިސްތާނުން ވަނީ އިންޑިއާއާއެކު މަޝްވަރާއަށް އޮތް ކަމުގެ ޝައުގުވެރިކަން ފާޅުކޮށްފައެވެ.
އިންޑިއާއިން ބުނަނީ، ދެފަރާތުގެ ދެމެދުގައި މަޝްވަރާތައް ކުރިއަށް ގެންދެވޭނީ ޓެރަރިޒަމްގެ އަމަލުތަކުން ސަލާމަތްވެފައިވާ މިނިވަން މާޙައުލެއްގައި އޮތުމުން ކަމަށެވެ. އަދި މިކަމަށް އަދި ބަދަލެއް އައިސްފައި ނުވާކަމަށެވެ. އިންޑިއާގެ ޚާރިޖީ ވުޒާރާގެ ތަރުޖަމާނު އާރިންދަމް ބާގްޗީވެސް ވިދާޅުވީ، ކަރާޗީގައި ދިން ޓެރަރިސްޓް ހަމަލާއިން އެކަނިވެސް ދައްކުވައިދެނީ ޓެރަރިޒަމާ ދެކޮޅަށް ހުރިހާ ގައުމަކުންވެސް އިސްތިސްނާއަކާ ނުލައި ސިޔާސަތުތަކެއް ގެންގުޅެން ޖެހޭކަމަށެވެ. ބާގްޗީ ވިދާޅުވީ ޓެރަރިޒަމްގެ ހުރިހާ ބާވަތެއްގެ ޢަމަލުތަކާ ދެކޮޅަށް އިންޑިއާއިން އަބަދުވެސް ސާބިތުކަންމަތީ ދެމިތި އޮންނާނެ ކަމަށެވެ.
ކަރާޗީ ޔުނިވަރސިޓީ ކުރިމަތީގައި ދިން ޓެރަރިސްޓް ހަމަލާއަކީ ބަލޯޗް ލިބަރޭޝަން އާމީން ޒިންމާވާ ހަމަލާއެކެވެ. މި ހަމަލާގައި ޕާކިސްތާން މީހަކާއި ޗައިނާގެ ތިން މީހަކު މަރުވިއެވެ.
