ރަޝިޔާގެ ރައީސް ޕޫޓިން ބޮޑު އާލާސްކަންފުޅެއްގައި އުޅުއްވާކަމަށް މީޑިއާއާއި ސިޔާސީ ފަރާތްތަކުން ލަފާ ކޮށްފިއެވެ. ރަޝިޔާ ސަރުކާރު ޓީވީން ދުރަށް ފޮނުވި 12 މިނެޓްގެ ވީޑިއޯގައި ޕޫޓިން އޭނާގެ ޑިފެނސް މިނިސްޓަރާ ބައްދަލު ކުރެއްވި އިރު ބާރަށް މޭޒުކޮޅުގައި ހިތްޕަވައިގެން އިންނެވި މަންޒަރާއި ފައިގެ ހަރަކާތްތަކާއި މޫނުފުޅުގެ ދުޅަވެފައިވާކަމަށް ފެނުމުން ބޮޑު އާލާސްކަންފުޅެއްގައި ރަޝިޔާގެ ރައީސް އުޅުއްވާ ކަމަށް ރިޕޯޓް ކޮށްފައި ވެއެވެ.
އިނގިރޭސި ނޫސްތަކުން ވަނީ މިވާހަކަ ވަރަށް ބޮޑަށް ރިޕޯޓްކޮށްފައެވެ.
އާންމު ކޮށް ހުޅަނގުން ރުޅި އަންނަ ފަރާތްތަކާ ދެކޮޅަށް މިފަދަ ޕްރޮޕެގެންޑާ ފަތުރައި ހަދައެވެ.
މީޑިއާއިން ލަފާ ކޮށްފައި ވަނީ ތައިރޮއިޑް ކެންސަރު ނުވަތަ ޕާކިންސަން ޕޫޓިންއަށް ޖެހިވަޑައިގެންފައިވާ ކަމަށެވެ.
ޑޮކްޓަރުންގެ ފަރާތުން މިކަމަށް އިތުރު މައުލޫމާތެއް ލިބިފައެއް ނުވެއެވެ. ޑޮކްޓަރުންގެ އާދަކާދައާ އެއްގޮތަށް އެމީހުން މީހާ ބަލާފައި ނޫނީ އެއްޗެއް ނުބުނާތީ މިކަމަށް އެއްޗެއް ބުނެފައެއް ނުވެއެވެ.
