ހައްދުފަހަނައަޅާފައިވާ އިސްލާމީ ހަނގުރާމަވެރި ޖަމާއަތްތަކުން އެފްރިކާގައި ހަރަކާތްތެރިވުމަކީ ކުރިން އެފްރިކާގެ ގައުމުތަކުން މާބޮޑު ކަމަކަށް ނުހަދައި ދޫކޮށްލި ކަމަކެވެ. ނަމަވެސް މިކަވް މިހާރު ވަނީ މކި ގައުމުތަކަށް ވަބާއަކަށް ވެފައި ކަމަށް ޕޮލިސީ ރިސާޗް ގްރޫޕް (ޕީއޯއާރްއީޖީ) އިން ބުނެއެވެ.
އެފްރިކާގެ ހަނގުރާމަވެރި އިސްލާމީ ޖަމާއަތްތަކުން 2016 ވަނަ އަހަރު އާންމުންނާ ދެކޮޅަށް ދީގައިވާ ހަމަލާތައް އުޅުނީ 14 ޕަސެންޓްގައެވެ. ނަމަވެސް 2021ގައި މިނިސްބަތް ވަނީ 25 ޕަސެންޓަށް އިތުރު ވެގެން ގޮސްފައެވެ.
އެމެރިކާގެ ދިފާއީ ވުޒާރާގެ ތެރޭގައި ހިމެނޭ މުއައްސަސާއެއް ކަމަށްވާ އެފްރިކަން ސެންޓަރ ފޮރ ސްޓްރެޓީޖިކް ސްޓަޑީޒްއިން އާންމުކުރި ރިޕޯޓްގައި ފާހަގަކޮށްފައިވާ ގޮތުން އާންމު ރައްޔިތުންނާ ދެކޮޅަށް އަނިޔާވެރި ހަމަލާތައް ދެމުން ދަނީ މައިގަނޑި ފަސް ސަރަހައްދެއްގައެވެ. އެއީ އެފްރިކާގެ މާލީ އަދި ބުރކިނާފާސޯ ހިމެނޭ ސާހިލް ސަރަހައްދާއި ސޯމާލިއާއާއި ލޭކް ޗާޑް ސަރަހައްދާއި އުތުރު މޮޒަމްބީކާއި އަދި އުތުރު އެފްރިކާ ސަރަހައްދެވެ.
ޓެރަރިސްޓް ހަރުކަށި އިސްލާމީ ޖަމާއަތްތައް އެންމެ ގިނައިން ހަކަރާތްތެރި ވަނީ ސާހިލު ސަރަހައްދުގައެވެ. ސާހިލްގައި ހަރަކާތްތެރިވަނީ އައިސިސްއާއި މެސީނާ ލިބަރޭޝަން ފްރޮންޓެވެ. އަދި ސޯމާލިއާގައި އައްޝަބާބެވެ. އަދި މޮޒަމްބީކް ސަރަހައްދުގައި އަހުލުއްސުންނާ ވަލް ޖަމާއަތު ޓެރަރިސްޓް ގްރޫޕެވެ.
