ސްރީލަންކާގައި ހަނާ ވަމުންދާ ރައްޔިތުން ރާޖާޕަކްސަ އާއިލާގެ އިސްތިއުފާއަށް ގޮވާލަމުން ދިއުމާ ގުޅިގެން ބޮޑު ވަޒީރުކަމުން ބޭބޭ ރަޖާޕަކްސަ ދުރުކުރެއްވުމަށް ސްރީލަންކާގެ ރައީސް ގޯޓާބަޔަ ރާޖަޕަކްސަ ވިސްނަމުން ގެންދަވާކަމަށް މީޑިއާ ރިޕޯޓްތައް ބުނެއެވެ.
އަލްޖަޒީރާ ބުނާ ގޮތުން އައު ބޮޑު ވަޒީރަކާއެކު ކުރީގެ ރައީސް މައިތިރިޕާލާ ސިރިސޭނާގެ ޕާޓީއާއެކު އިއްތިހާދީ ސަރުކާރެއް އެކުލަވާލުމަށްވެސް ރާޖަޕަކްސަގެ ޕާޓީން ވަނީ ތައްޔާރު ވެފައެވެ.
ރާޖަޕަކްސަ އެހެން ޕާޓީތަކާ ވެސް މިކަމާ ބެހޭ ގޮތުން މަޝްވަރާ ކުރައްވާނެ ކަމަށް ގާނޫނު ހަދާ މަޖިލީހުގެ މެމްބަރު ވީރަސުމާނާ ވީރަސިންހާ ވަނީ ވިދާޅުވެފައެވެ. ނަމަވެސް، އޭގެ ތަފުސީލެއް ނުދެއްވަ އެވެ.
