މަސްޖިދުލް އަޤްޞާގެ ޙަރިއްމައިގެ ތެރޭގައި މިއަދުވެސް ޔަހޫދީ ސިފައިންނާއި ފަލަސްތީނު މީހުންނާ ދެމދު ކުރިމަތި ލުން ހިނގައިފިއެވެ.
މަސްޖިދުލްއަޤްޞާގެ ހަރިންމަ ތެރެއަށް ޔަހޫދީ ފުލުހުން ވަދެ ދިން ހަމަލާގައި ފަލަސްތީނުގެ 42 މީހުން ޒަޚަމްވެފައިވާ ކަމަށް ފަލަސްތީނުގެ ރެޑް ކްރެސެންޓުން ބުނެއެވެ. ބަރަކާތްތެރި ރަމަޟާން މަހުގެ އެންމެ ފަހު ހުކުރު ދުވަހުގެ މި ކުރިމަތިލުމަކީ ބައެއް ރިޕޯޓްތައް ބނާ ގޮތުން ފަލަސްތީނު މީހުން އޮށްގަލުން ހަމަލަ ދިނުމުން ކުރިމަތިވި ހަމަނުޖެހުމެކެވެ. ފަލަސްތީނު މީހުން ބުރާގު ފާރުކޮޅާ ދިމާއަށް ގާ އުކިކަމަށްވެސް ބުނެފައި ވެއެވެ. ބުރާގު ފާރުކޮޅަކީ، ޔަހޫދީންގެ ގާތު މާތްކަން ބޮޑު އެމީހުން ދުއާކުރަން ތިބޭ ފާރެވެ.
ރެޑް ކްރެސެންޓުން ބުނީ ޒަޚަމްވި ގިނަ މީހުންނަށް އިޒްރޭލު ސިފައިން ރަބަރު ވަޒަނުން ހަމަލަ ދީފައި ވަނީ ހަށިގަނޑުގެ މަތީ ބަޔަށެވެ. އަދި ބޮޑަށް އަނިޔާވެގެން 22 މީހަކު ހޮސްޕިޓަލަށް ފަރުވާއަށް ގެންގޮސްފައިވާ ކަމަށް ބުންޏެވެ.
