ޔުކްރެއިން ހަނގުރާމަ ދިހަވަނަ ހަފްތާއަށް ވަންނަނީއެވެ. ރަޝިޔާއިން ވަނީ ފުރަތަމަ ފަހަރަށް ސެބްމެރިންއަކުން ޔުކްރެއިންނަށް މިސައިލް ހަމަލައެއް ދީފައެވެ.
ޔޫކްރެއިން އިން ބުނާ ގޮތުން ރައްޓެހި ގައުމަކުން ވައިގެ ދިފާއީ ނިޒާމުކަމަށްވާ އެސް 300 މަރުކާގެ ދިފާއީ ނިޒާމުތަކެއް އެގައުމަށް އެބަ ލިބެއެވެ. މިއީ ރަޝިޔާއިން އުފައްދާފައިވާ ވަރުގަދަ ވައިގެ ދިފާއީ ނިޒާމެކެވެ. ޔުކްރެއިން ބުނާ ގޮތުގައި ހަނގުރމަ ފެށުނު އިރު އެގައުމުގައި މީގެ 100 ޔުނިޓް ހުއްޓއެވެ. ނަމަވެސް ރަޝިޔާގެ ވައިގެ ހަމަލަތަކުން ގިނަ ތަކެތި ވަނީ ހަލާކުވެފައެވެ.
ޕޮލެންޑުން ދަނީ ޔުކްރެއިންއަށް ޓީ 72 މަރުކާގެ ޓޭންކުތައްވެސް ފޮނުވަމުންނެވެ. މިއީ ރަޝިޔާގައި އުފައްދާ، ލުއި އަދި ހަލުއި ފަސޭހައިން އޭގެ އަމާޒުފަތްގަނޑު ހަލާކުކޮށްލާ ވައްތަރުގެ ޓޭންކެކެވެ.
ޕޮލެންޑުން ވަނީ މި ވައްތަރުގެ 200 ޓޭންކު ފޮނުވާފައެވެ.
އެހެން ގައުމުތަކުންވެސް ދަނީ ޔުކްރެއިންއަށް ހަތިޔާރު ފޮނުވަމުންނެވެ.
އޭގެ އިތުރުން ހުޅަނގުގެ ގައުމުތަކުގެ ކުލީ ސިފައިންވެސް ޔުކްރެއިންގައި ހަނގުރާމަ ކުރެއެވެ. އެމެރިކާގެ މެރިންގެ ކުލީ ސިފައިންގެ މީހަކު ޔުކްރެއިންގައި މަރުވެފައިވާ ކަމަށް ރިޕޯޓް ކޮށްފައި ވެއެވެ.
