އަފްޣާނިސްތާނުގެ ވެރިރަށް ކާބުލްގެ މިސްކިތެއްގައި ހުކުރު ވަގުތު ބާރުގަދަ ގޮވުމެއް ގޮވައި 10 މީހުން މަރުވެ 20 މީހުން ޒަޚަމްވެއްޖެއެވެ. ހުކުރު ދުވަހު ބޮން ގޮއްވާލާފައިވަނީ ކާބުލްގެ ހުޅަނގުގައި ހުންނަ ޚަލީފާ އާގާ ގުލް ޖާން މިސްކިތުގައެވެ.
ރަމަޟާން މަހުގެ ފަހު ހުކުރު ދުވަހު އެތައް ސަތޭކަ ބައަކު ނަމާދަށް ޖަމާވިއިރު މިސްކިތް އޮތީ އެއްކޮށް ފުރިފައެވެ.
އެމްބިއުލާންސްތައް އެ ސަރަހައްދަށް ދުވަމުން ގޮސް، މިސްކިތާ ހަމައަށް ދިއުމަށް ޓަކައި ކާބުލްގެ އިރުމަތީ އަވަށެއްގެ ކުޑަ މަގެއްގެ ނިދިން ތެދުވުމަށް ދުއްވައިގަތެވެ.
މިސްކިތުގައި ހުރި މީހަކު ބުނިގޮތުގައި ބާރުގަދަ ގޮވުމެއް ގޮވި އަޑު އިވުމަށްފަހު ދެން ހޫނެއް އަރައިގެން އަތާއި ފައި ފިހުނީއެވެ.
އެއް ހަސްފަތާލަކުން ބުނި ގޮތުގައި އެތަނަށް 21 މީހުން ގެނައެވެ. އިތުރު ދެމީހަކު ގެނައި އިރު އޮތީ މަރުވެފައެވެ.
އެހެން ހަސްފަތާލަކުން ބުނީ 49 މީހުން ގެނައި ކަމަށެވެ. ސީރިއަސް ހާލުގައި އޮތް ދިހަ މީހަކު އައިސީޔޫއަށް ލެވުނެވެ. އަދި އަނދާފައި ހުރެގެން 20 މީހަކު އެދުމަތި ކުރެވުނެވެ.
މިހަމަލާއަށް އެއްވެސް ފަރާތަކުން ޒިންމާ އުފުލާފައެއް ނުވެއެވެ. ނަމަވެސް އައިސިސް އިން ވަނީ މިފަހަކަށް އައިސް އަފްޣާނިސްތާންގައި ދޭ ހަމަލަތައް ވަރުގަދަ ކޮށްފައެވެ.
