ޕާކިސްތާންގެ ޕާލަމެންޓުން ފަށާފައިވާ ތަހުގީގަށް އެއްބާރުލުން ނުދޭނެކަމަށް ކުރީގެ ބޮޑުވަޒީރު އިމްރާން ޚާންގެ ޕާކިސްތާން ތަހްރީކޭ އިންސާފް (ޕީޓީއައި)ން ބުނެފިއެވެ.
އިމްރާން ޚާން ވިދާޅުވެފައި ވަނީ އޭނާގެ ސަރުކާރު ވައްޓާލާފައި ވަނީ ބޭރުގެ ފަރާތަކުން ރާވައިގެން ކަމަށެވެ. އަދި އެކަމާ ބެހޭ ގޮތުން އޭނާ ވަނީ ސިޓީއެއްވެސް އޭނާގެ ވާހަކައަށް ސަޕޯޓް ކުރުމުގެ ގޮތުން ބޭނުް ކުރައްވާފައެވެ.
ޑޯން ނޫހުން ބުނީ ޕީޓީއައި އިން އެގޮތަށް ނިންމީ ޕީޓީއައިގެ ސިޔާސީ ކޮމިޓީގެ ބައްދަލުވުމަކަށް ފަހުއެވެ. އަދި މި ބައްދަލުވުމުގައި ގޮވާލާފައި ވަނީ ވީ އެންމެ އަވަހަކަށް އާންމު އިންތިހާބު ބޭއްވުމަށެވެ. އަދި ޕާޓީގެ ސަޕޯޓް ބޭސް މިހާރަށް ވުރެން ހަރަކާތްތެރި ކުރުމުގެ ގޮތުން ގިނަ އެއްވުންތަކެއް ބޭއްވުމަށްވެސް އިއުލާން ކުރިއެވެ.
އިމްރާން ޚާންގެ ޕާޓީން ބުނެފައި ވަނީ ޕާލަމެންޓުން ތަހްގީގު ކުރާ މައްސަލައަށް އެ ޕާޓީން އެއްބާރުލުން ނުދޭނެ ކަމަށެވެ.
