ޔޫކްރެއިންގެ ހަނގުރާމައާއެކު ދުނިޔެގައި ދިމާވެފައިވާ ލޮޖިސްޓިކްސް އާއި ޖިއޯޕޮލިޓިކަލް ހަލަބޮލިކަމާއެކުވެސް ރަޝިޔާއިން ދަނީ އިންޑިއާގައ ނިއުކްލިއަރ ޕަވަރ ޕްލާންޓް ބނާ ކުރުމަށް މަސައްކަތް ކުރަމުންނެވެ.
އިންޑިއާގެ ޓެމިލްނާޑޫގެ ކުޑަންކުލަމް ނިއުކްލިއަރ ޕަވަރ ޕްލާންޓްގެ ތިންވަނަ ރިއެކްޓަރު އިމާރާތްކުރުމުގެ ބޮޑެތި މަސައްކަތްތަކުގައި ރަޝިޔާގެ ނިއުކްލިއަރ އިންޖިނުގެ ބިނާ ކުރާ ކުންފުނި ރޮސަޓޮމް ދަނީ މަސައްކަތް ކުރަމުންނެވެ. މިއީ ރަޝިޔާގެ ވީވީވީއާރ-1000 ރިއެކްޓަރު ޓައިޕް ބޭނުންކޮށްގެން ހަދާ ރިއެކްޓަރއެކެވެ. މި ޔުނިޓްތަކަކީ އިންޓަރނޭޝަނަލް އެޓޮމިކް އެނަރޖީ އޭޖެންސީގެ އެންމެ ފަހުގެ ސަލާމަތީ ކަންކަމާ އެއްގޮތަށް ފަރުމާކޮށްފައިވާ ޔުނިޓްތަކެކެވެ. މިތާގައި މިހާރު ޔުނިޓް ނަމްބަރު 1 އަދި 2 ދަނީ އޮޕަރޭޓް ކުރަމުންނެވެ.
ޑިސެމްބަރު މަހުގެ 6 ވަނަ ދުވަހު ބޮޑުވަޒީރު ނަރެންދުރަ މޯދީއާއި ރައީސް ވްލަޑިމިއަރ ޕޫޓިންގެ އަހަރީ ސަމިޓަށްފަހު ރަޝިޔާއިން ވަނީ ޓެމިލްނާޑޫ ސްޓޭޓްގެ ކުޑަންކުލަމް ނިއުކްލިއަރ ޕަވަރ ޕްލާންޓްގައި ހަވަނަ ރިއެކްޓަރު ބިނާކުރުމުގެ މަސައްކަތްވެސް ފަށާފައެވެ.މިތަނަށް ބޭނުންވާ ނިއުކްލިއަރ ރިއެކްޓަރ އުފައްދަނީ ރަޝިއާގެ ނިއުކްލިއާ އިންޖިނިއަރިން ކުންފުންޏެއް ކަމަށްވާ އެޓޮމްމާޝް އިންނެވެ.
