އިންޓަރނޭޝަނަލް މަނިޓަރީ ފަންޑުން ވަނީ ޕާކިސްތާންގެ އިގްތިސާދު ކޮޅަށް ނަގައި ދިނުމަށް އެއްބަސްވެފައެވެ. އައިއެމްއެފްއިން ވަނީ ޕާކިސްތާނުން އެދުނު ގޮތަށް 6 ބިލިއަން ޑޮލަރިގެ ޕެކޭޖް އަށް ބިލިއަން ޑޮލަރަށް ވެސް އިތުރު ކޮށްދީފައެވެ.
ޕާކިސްތާނަށް ޖެހޭނީ އަހަރެއްގެ ތެރޭގައި އިގުތިސާދު ކޮއްޅަށް ޖެހުމަށްޓަކައި ފަންޑުގެ ހަރުކަށި ޝަރުޠުތަކަށް ބޯލަނބާލާށެވެ. އޭގެ ތެރޭގައި ބައެއް ސަބްސިޑީތައް ކަނޑާލުން ހިމެނެއެވެ.
އިތުރަށް ފާހަގަ ކުރެވިފައިވާ ގޮތުގައި ޕާކިސްތާންގެ އިންފްރާސްޓްރަކްޗާގެ ދޯހަޅި ކަމުން އިންވެސްޓަރުން އަންނާކަށް ބޭނުމެއް ނުވެއެވެ.
ޕާކިސްތާންގެ މާލީ ވަޒީރު މިފްތާހު އިސްމާއީލް ވިދާޅުވާ ގޮތުން އިގްތިސާދު ވަޅު ޖެހުމާއި އުމްރާނީ ތަރައްގީގެ ދޯހަޅި ކަމާއެކު އިތުރަށް ކަންކަން ގޯސްވެފައި ވަނީ ކޯވިޑާއި ޔުކްރެއިންގެ ހަނަގުރާމައިގެ ސަބަބުންނެވެ.
ލަފާ ކޮށްފައިވާ ގޮތުގައި ޕާކިސްތާންގެ އިންފްލޭޝަން 10 ޕަސެންޓްގައި އުޅޭނެއެވެ. ދުނިޔޭގެ ރޯ މާއްދާގެ އަގުތައް އުފުލިގެން ދިއުމާއި ޕކިސްތާންގެ އުފެއްދުންތެރިކަން ދަށަށް ދިއުމާއި އެކްސްޕޯޓް ވަޅުޖެހިފައި ވުމުގެ ސަބަބުން އިގްތިސާދަށް ވަނީ ބުރަ ބޮޑުވެފައެވެ. މިހުރިހައި އުދަނގޫ ހާލަތގެ ނިވަލުގައި ޕާކިސްތާންގެ އިގްތިސާދު އަވަސް މުއްދަތެއްގައި ހިންދެމިލާނެ ހެނެއް ހިއެއް ނުވެއެވެ.
