ޕާކިސްތާންގެ ވާދަވެރި ސިޔާސީ ޕާޓީތަކުން މީސްމީޑިއާގައި ހަނގިރާމަ ބޮޑު ކޮށްލައިފިއެވެ. ޓްވިޓާގައި ވާދަވެރި ސިޔާސީ ޕާޓީތަކުން އެއް ބަޔަކު އަނެއް ބަޔަކަށް ރެއާއި ދުވާލު ހޭޝްޓެގް ޖަހައި ހޭޝްޓެގް ޖަހަމުން ގޮސް މިހަނގުރާމަ މިހާރު ވަނީ އެހެން ސޯޝަލް ނެޓްވޯކިން ޕްލެޓްފޯމަކަށް ބަދަލުވެފަ އެވެ.
ޓިކްޓޮކްގައި ޕާކިސްތާން ތަހްރީކޭ އިންސާފް (ޕީޓީއައި)ން ބޭނުން ކުރާ ހޭޝްޓެގް، "އިމްޕޯޓަޑް ހުކޫމަތު ނާމަންޒޫރު" އަށް ރެކޯޑް އަދަދަކަށް ވިއުސް ލިބިފައި ވެއެވެ. ހަމަ އެ ހޭޝްޓެގް ވަނީ އޭޕްރީލް މަހުގެ ފަހު ހަފްތާގައި ޓުއިޓާގައި 100 މިލިއަނަށް ވުރެ ގިނަ ފަހަރު ޓުވީޓު ކޮށްފަ އެވެ.
މިހާތަނަށް މެއިންސްޓްރީމް ސިޔާސީ ޕާޓީތަކުން މާ ސީރިއަސްކޮށް ނުނަގާ، ޓިކްޓޮކްއަކީ ވީޑިއޯ ޝެއަރިން ގެ ދުނިޔޭގެ އެންމެ ބޮޑު ޕްލެޓްފޯމެވެ. ޕީޓީއައިގެ ސަޕޯޓަރުން ވަނީ ޓިކްޓޮކް ފުރިހަމައަށް ބޭނުން ކޮށްފައެވެ.
ވެރިކަން ކުރާ ޕީއެމްއެލް-އެން ގެ ނައިބު ރައީސް މަރިޔަމް ނަވާޒް ދާދި ފަހުން ވަނީ އޭނާގެ ޕާޓީގެ ސޯޝަލް މީޑިއާ ޓީމާއެކު ބައްދަލުވުމެއް ބާއްވާފައި އެޕާޓީން ޓިކްޓޮކްގައި މެސެޖު ފެތުރުމަށް ބާރުއަޅާފައެވެ.
އިމްރާން ޚާން ބޮޑުވަޒީރުކަމުގައި ހުންނެވިއިރުވެސް، އޭނާގެ ޕާޓީން މީސްމީޑިއާގއި އިސްނަގައިގެން ގިނަ ހޭޝްޓެގްތަކެއް ވަނީ ޓިކްޓޮކްގައި ވަވއިރަލް ކޮށްފައެވެ. އެގޮތުން ބައެއް ހޭޝްޓެގްތައް 77 މިލިއަން މާކް ހުރަސްކޮށްފައިވެއެވެ. ބައެއް ހޭޝްޓެގްތަކުން ހީވެސް ނުކުރާހާ ގިނަ އަދަދަކަށް މީހުން ބަލާފައިވާއިރު، އެ ޕާޓީން ވައިރަލް ކުރާ ހޭޝްޓެގް #ImportedHukoomatNamanzoor" ވަނީ އޭޕްރީލް މަހުގެ ފަހު ހަފްތާގައި 933 މިލިއަން ވިއުސް ހޯދާފައެވެ.
