އިންޑިއާއިން ސްރީލަންކާއަށް 40،000 މެޓްރިކް ޓަނުގެ ޕެޓްރޯލް ސަޕްލައިކޮށްދީފިއެވެ. މި ޝިޕްމަންޓް ގެ މައުލޫމާތު ހާމަ ކޮށްފައި ވަނީ ލަންކާގައި ހުންނަ އިންޑިއާ ހައިކޮމިޝަނުންނެވެ.
އިންޑިއާއިން ސްރީލަންކާއަށް ކްރެޑިތްގެ ގޮތުގައި މިއަހަރުގެ ޖަނަވަރީ މަހުން ފެށިގެން 3 ބިލިއަނެއްހާ ޑޮލަރުގެ އެހީ ފޯރުވައިދީފައި ވެއެވެ.
ސްރީލަންކާއަށް އާންމު ކޮށް މިހާރު ތެޔޮ ސަޕްލައިކޮށްދެނީ އިންޑިއާއިންނެވެ. ސްރީލަންކާ ތެޔޮ ސްޓޮކް ތާޒާކޮށްދިނުމަށ އިތުރު 200 މިލިއަން ޑޮލަރުގެ ކްރެޑިޓްވެސް ނިއުދިއްލީން އިތުރުކޮށްދީފައި ވެއެވެ.
ސްރީލަންކާއިން އައިއެމްއެފްއާއެކު އިގްތިސާދަށް ދިރުމެއް ދިނުމަށް ދައްކަމުންދާ ވާހަކަތަކާއެކު ލިބެންވާ މާލީ އެހީ ލިބެން އަދި ހަމަސް ދުވަސް ނަގާނެ ކަމަށް ލަފާ ކުރެވެއެވެ.
