ނޫސްވެރިޔާ ޝީރީން އަބޫ ޢަޤްލާ ޝަހީދުކޮށްލި ހާދިސާއާ ގުޅޭ އިތުރު ވީޑިއޯއެއް އާންމު ވެއްޖެއެވެ. މި ވީޑިއޯއިން ފެންނަ ގޮތުގައި އިޒްރޭލު ސިފައިންގެ ބަޑީގެ ހަމަލާ އެންމެ ފުރަތަމަ އަމާޒުކޮށްފައި ވަނީ ޝީރީންގެ ޕްރޮޑިއުސަރ އަލީ މަސްމޫދީއަށެވެ. އޭނާގެ ބުރަކައްޓަށް ވަޒަން އެރިކަން އެނގިގެން އުންޑަތަކުން ނޫސްވެރިން ސަލާމަތް ވުމަށް ނޫސްވެރިން އެއްބަޔަކު އަނެއް ބަޔަކަށް ހަޅޭއް ލެވުމުގެ ތެރޭގައި އިޒްރޭލުގެ ސްނައިޕަރ ޝީރީންއަށް ހަމަލަ ދީ އޭނާ ޝަހީދުކޮށްލީއެވެ.
އިތުރަށް ކިޔާލުމަށް
ފުރައްދެ ކާފަރެއްގެ ޖަނާޒާގައި މުސްލިމުން ބައިވެރިވުމަކީ ކޮންކަހަލަ ކަމެއް ހެއްޔެވެ؟
އަލްޖަޒީރާގެ ނޫސްވެރިޔާ މަޖްދީ ބަންނޫރާ ނަގާފައިވާ ވީޑިއޯއިން ފެންނަނީ އަލީ މަސްމޫދީގެ ގަޔަށް ވަޒަން އެރުމާއެކު ކައިރީގައި ހުރި ފާރާއި ގަހުގެ ނިވަލުގައި ހުއްޓާ އޭނާއަށް ހަމަލަދީ މަރާލީ ކަމަށެވެ.
އެމެރިކާއިން އަދިވެސް ގޮވަމުން ދަނީ ދެފުށް ފެންނަ ތަހުގީގެއް މިމައްސަލާގައި ހިންގުމަށެވެ. ޝީރީން ޝަހީދު ކޮށްލި ހާދިސާ ތަހުގީގުކުރުމަށް އެދި އެމެރިކާ ކޮންގްރެސްގެ 56 މެމްބަރުން ސޮއިކޮށް އެމެރިކާ ސަރުކާރަށް ހުށަހަޅާފައި ވެއެވެ.
