ފުލުހުން ހަކުރުބައްޔަށް ސްކްރީންކުރުމުގެ ޕްރޮގްރާމެއް ފަށައިފި އެވެ.
މިއަދު ފެށި މި ޕްރޮގްރާމަކީ ފުލުހުންގެ ޚިދުމަތުގެ ވޯކްފޯސް ހެލްތު އެންޑް ވެލްބީން އާއި ޑައިބެޓީސް ސޮސައިޓީ އޮފް މޯލްޑިވްސް ގުޅިގެން ދެ ދުވަހުގެ މުއްދަތަށް ކުރިއަށް ގެންދާ ޕްރޮގްރާމެކެވެ.
އެގޮތުން މި ޕްރޮގްރާމްގައި މުވައްޒަފުންގެ ހަށިގަނޑުގެ ހަކުރު ހުންނަ މިންވަރު، ބީއެމްއައި އާއި ލޭގެ ޕްރެޝަރާއި ހަށިގަނޑުގައި ސަރުބީހުރި މިންގަނޑު ދެނެގަނެވި، ދިމާވެދާނެ ސިއްހީ މައްސަލަތައް ދެނެގަނެވޭނެ ކަމަށް ފުލުހުން ބުންޏެވެ.
މީގެ އިތުރުން ހަކުރުބަލިން ރައްކާތެރިވާނެ ގޮތުގެ މައުލޫމާތު ހިއްސާކުރުމާއި ދުޅަހެޔޮ ސިއްހަތެއްގައި ދެމިހުރުމަށް ހަށިގަނޑަށް ފައިދާހުރި ކާނާ ބޭނުންކުރުމާއި ގަވދުން ކަސްރަތުކުރުމުގެ މުހިންމުކަމާ ގުޅޭގޮތުން މައުލޫމާތު ދިނުންވެސް ކުރިއަށް ގެންދަން ހަމަޖެހިފައިވެ އެވެ.
