ފިލަޑެލްފިއާގެ މީހުން ގިނައިން ގޮސް އުޅޭ މަގެއްގައި، ހޮނިހިރު ދުވަހު ގިނަ ޝޫޓަރުންތަކެއް އާންމުންގެ ތެރެއަށް ބަޑިޖެހުމުގެ ސަބަބުން ތިން މީހުން މަރުވެ 13 މީހުން ޒަޚަމްވެފައިވާ ކަމަށް ފުލުހުން ބުނެފި އެވެ.
ފުލުހުންގެ އިންސްޕެކްޓަރ ޑީއެފް ޕޭސް އެގައުމުގެ މީޑިއާއަށް މައުލޫމާތު ދެއްވަމުން ވިދާޅުވީ، ދެ ފިރިހެނަކާއި އަންހެނަކު މަރާލާފައިވާ ކަމަށާއި، އެ ހާދިސާ ހިނގި ތަނަށް ދިޔަ އޮފިސަރުން އާންމުންގެ ތެރެއަށް އެތައް ބަޔަކު ވެގެން ބަޑި ޖެހި މަންޒަރު ފެނިފައިވާ ކަމަށެވެ.
ފުލުސް އޮފިސަރު ޕޭސް ވިދާޅުވީ އެހެން ވީކްއެންޑެކޭ އެއްފަދައިން ސައުތު ސްޓްރީޓްގައި އެތައް ސަތޭކަ ބަޔަކު ކޮންމެ ހަފްތާގައި އުޅޭފަދައިން މަޖާ ކުރަމުން ދަނިކޮށް މި ބަޔަކު އެމީހުންގެ ތެރެއަށް ބަޑި ޖެހީ ކަމަށެވެ.
އޭނާ ވިދާޅުވީ، ބަޑީގެ ހަމަލާދިން މަރާލެވުނު ކަމެއް ނުވަތަ ނޫންކަމެއް އަދި ސާފުނުވި ނަމަވެސް، އޮފިސަރުން ވަނީ ޝޫޓަރުންގެ ތެރެއިން އެކަކުގެ ގަޔަށް ބަޑިޖަހާފައެވެ.
މި މައްސަލައާ ގުޅިގެން އެއްވެސް މީހަކު ހައްޔަރުކޮށްފައި ނުވާ ކަމަށް ފުލުހުން މައުލޫމާތު ދެއެވެ.
ޕޭސް ވިދާޅުވީ، މި ހާދިސާ ހިނގި ތަނުން ދެ ހޭންޑްގަން ހޯދާފައިވާ ކަމަށާއި، ކައިރި ހިސާބުގެ ފިހާރަތަކުގެ ސަވައިލެންސް ފުޓޭޖްތައް ފުލުހުން ބަލަމުންދާ ކަމަށެވެ.
